A portavoz de Política Municipal do Grupo Socialista, Begoña Rodríguez Rumbo, criticou hoxe que o “rodillo” do PP está a provocar a “Lexislatura do esmorecemento e do abandono do rural”. No debate dunha moción socialista para recuperar o Plan de mellora de camiños municipais, que foi vetada polo PP, criticou o desleixo do goberno para a fixación de poboación no interior.
A responsable socialista sinalou que malia o anuncio de 231 millóns para fixación de poboación nos orzamentos do próximo ano, a realidade é que no ano 2016 deixaron sen executar 100 millóns de euros, e a 30 de xuño de 2017 tan só tiñan executado o 6,68 por cento do mesmo programa.
Criticou que este desinterese “pode ter consecuencias catastróficas”, ao combinar a falla dunha política de xestión do monte coa intensificación do abandono das poboacións do interior nos 9 anos de goberno de Feijóo e as condicións climáticas adversas, dano como resultado situacións de incendios forestais como a que ten vivido Galicia en outubro.
Criticou ademais o desinterese do goberno galego pola petición da Fegamp de axuda para limpar as franxas de protección dos lumes nos núcleos rurais, que foi desbotada polo goberno galego.
A responsable socialista reclamoulle ao goberno galego incrementar a contía dedicada ao Plan de mellora de camiños municipais 2017 – 2018 na mesma cantidade de 2016, chegando ata os 20 millóns de euros, e publicar as axudas no mes de decembro anterior, nunha política fundamental para a ordenación do rural e con especial incidencia na prevención de incendios forestais.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…