A parlamentaria socialista Patricia Vilán presentou hoxe unha batería de iniciativas parlamentarias para reclamarlle á Xunta que inicie de inmediato a restauración da ponte medieval que une Pontevedra e Soutomaior cruzando o río Verdugo, en Pontesampaio. Vilán alerta da situación “lamentable” desta construción histórica e urxe a tomar medidas para protexela e frear o seu deterioro.
A responsable socialista reivindica un trato “acorde ao seu valor estrutural e relevancia histórica, perpetuando a memoria que a ponte significa”, e mesmo solicítalle ao goberno galego que valore restablecer as dúas construcións de pedra que se atopaban na metade da ponte e que sinalaban a separación entre as dióceses de Tui e Santiago de Compostela.
A ponte, construída cun aparello de sillería granítica, atópase actualmente invadido pola vexetación, con moitas pedras movidas e desencaixadas, e o pavimento da estrada autonómica que transcorre por ela “está levantado e rachado en moitos dos seus tramos” como consecuencia do tráfico que soporta, mentres a iluminación “roza o ridículo”.
A esta situación súmase os desperfectos que sofre cada ano o seu pretil, o último deles no pasado mes de agosto, “cando un condutor descoidado levou por diante varias pedras co seu vehículo, malia que a Axencia Galega de Infraestrutura sorprendentemente considera que o estado de conservación é “aceptable”.
Vilán sinala que a ponte semella remontarse á época romana, con diversas reconstrucións ao longo dos tempos, e resulta coñecida sinaladamente pola batalla do 7 ao 8 de xuño de 1809, cando as forzas da División do Miño dirixidas por Morillo derrubaron dous arcos da ponte para rexeitar o ataque do exército francés comandado polo mariscal Ney, impedindo que recuperaran Pontevedra, Marín e Tui.
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…
Alerta de que o goberno galego deixa sen cubrir dúas das catro prazas, provocando esperas de quince días ou nenos…