O portavoz de Sanidade do Grupo Socialista, Julio Torrado, lamentou o veto por parte do PP a unha iniciativa presentada polo PSdeG na Comisión de Sanidade para pedirlle á Xunta prazos para construír o Centro de Saúde de Melide. Lembra que a infraestrutura ven sendo anunciada en época electoral e adiada reiteradamente dende 2011.
O responsable socialista reclamaba hoxe pedirlle ao goberno galego “comprometer un calendario concreto de actuacións a desenvolver para a construción do novo centro de saúde de Melide e asignar unha partida orzamentaria suficiente para a súa construción e posta en funcionamento”, o que foi rexeitado polo PP. Cualificou de “obsceno e impresentable” o anuncio reiterado por parte da Xunta “sen dotación orzamentaria”.
Denunciou a “utilización dos orzamentos da Xunta para facer promesas que non se compren dunha forma flagrante, obscena e impresentable”, e acusou á Xunta de realizar o proxecto técnico pero “sen ter a titularidade dos terreos nin prazos para a súa execución”. Dixo que a pesares dos repetidos anuncios, “coincidindo coas sucesivas convocatorias electorais”, o proxecto segue sen estar iniciado”.
Torrado considera “sangrante” que o Concello, gobernado polo PP, se preste a facer anuncios e compromisos sen concretar “cando hai multitude de concellos con necesidades polo menos igual de relevantes nos que a Consellería amosa unhas enormes dotes de escapismo e hipocresía para non comprometerse”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…