A portavoz de Infraestruturas do Grupo Socialista, Patricia Otero, criticou hoxe que os Orzamentos da Consellería de Infraestruturas e Mobilidade da Xunta para 2022 son un “copia e pega” das contas dos anos anteriores, que “pintan” actuacións das que “nada se fai e nada se executa”. Así o dixo na comparecencia da responsable deste departamento na Comisión de Orzamentos do Parlamento.
Otero advertiu que estas contas “non ofrecen nada novo” e anticipan un fracaso á hora de “facer recuperación económica con obra pública” e de presentar unhas contas “que permitan a recuperación económica”. Os plans da Consellería, dixo, “non contemplan ningunha infraestrutura nova para a nosa comunidade autónoma”, e se limitan a repetir os proxectos que quedaron sen executar de anos anteriores mentres responsabilizan a goberno central e concello.
A responsable socialista puxo como exemplo a partida de Construción, Conservación e Explotación de Estradas, que a mediados de ano tiña un nivel de execución de tan só o 16 por cento, unha partida que o ano anterior rematou cunha execución do 76,5 por cento deixando sen executar case un de cada catro euros do orzamento. Ademais, o incremento que rexistrou o apartado de conservación de estradas continúa a ser inferior á perda de 44,6 millóns entre 2018 e 2020.
A responsable socialista puxo como exemplo as infraestruturas da provincia de Lugo, que “ano tras ano repiten partidas que non se executan” , como a rolda leste da capital da provincia, o Plan Paradai, o eixo Bergonte – Friol, a estrada de Folgoso do Caurel ou a estrada dea cceso ao Porto de Seco de Monforte.
Lei da Auga
Otero reclamoulle á conselleira que pare coa tramitación da Lei de Mellora do Ciclo Integral da Auga para iniciar un proceso de diálogo e consenso cos concellos, os principais afectados por este texto, e que están a alertar da invasión das súas competencias por parte do goberno galego. Dixo que “non é o momento de precipitarse” para aprobar un texto sen acordo das partes, cando non co rexeitamento dos concellos, e que vai encarecer o recibo da auga.
A responsable socialista lembrou o informe elaborado polos servizos técnicos da Federación Galega de Municipios e Provincias –Fegamp-, que alertan de que unha familia de tres membros que consuman 39 metros cúbicos de auga, verán a súa factura incrementada nun 60 por cento con esta nova norma.
Sinalou a alta preocupación das entidades locais, sinaladamente as máis pequenas, que terán serias dificultades para financiar os investimentos aos que obriga a nova normativa. Sinalou que “é normal que os concellos estean preocupados, porque son a administración máis próxima á cidadanía e serán os que teñan que explicarlle aos veciños e veciñas os motivos para a suba do recibo da auga”.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…