O Grupo Socialista rexeita o Proxecto de Lei de ordenación do territorio de Galicia: “É unha cortina de fume na que agochar a falla de xestión e a incapacidade da Xunta”
A Xunta renuncia a exercer maior capacidade fiscal e aplicar uns orzamentos expansivos para atender ás persoas no contexto da covid
10/11/2020
A Lei de Pesca fluvial da Xunta “é menos protectora que a de 1992, cando o dereito medioambiental estaba en cueiros”
10/11/2020
Luís Álvarez critica que o novo texto legal renuncia a incorporar “criterios claros a prol da sostenibilidade, o aforro enerxético ou a rexeneración territorial”
O portavoz de Ordenación Territorial do Grupo Socialista, Luís Álvarez, rexeitou o proxecto de Lei de ordenación do territorio de Galicia, no debate de totalidade do proxecto presentado pola Xunta no Pleno do Parlamento. Álvarez sinalou que semella “unha cortina de fume na que agochar a falla de xestión e a incapacidade da Xunta nunha cuestión fundamental”.
Álvarez lamentou que o novo texto legal renuncia a incorporar “criterios claros a prol da sostenibilidade, o aforro enerxético, a rexeneración territorial, as actividades de baixo impacto territorial e sobre os recursos territoriais, o medio ambiente e a paisaxe”. Así, destacou que o proxecto tampouco introduce “ningún tipo de compromiso real nin de obriga futura” por parte do goberno galego.
Ademais, incidiu en que “non quedan acreditados os motivos e a necesidade dunha nova lei” e recalcou que “a teórica necesidade aducida de afrontar novos obxectivos, debera en calquera caso ir precedida dunha análise” dos resultados da actual Lei de ordenación de territorio de Galicia, “tanto no referido ao seu grao de desenvolvemento e aplicación, como na vixencia ou capacidade dos instrumentos que contén”.
Así, reiterou que sen a análise previa da actual Lei, “é incoherente motivar a suficiente xustificación para a súa modificación, mais cando, a maioría dos aspectos sinalados na exposición de motivos do proxecto de lei, xa están incluídos na aprobación do ano 2011 das propias directrices de ordenación do directorio”.
O socialista lamentou que o proxecto de lei “encubre cambios importantes e concretos que precisan de corpo legal para poderen ser levados á práctica”, como a introdución de novas figuras como os “proxectos de interese autonómico”, que se configuran “como instrumentos de ordenación directa por parte da Xunta”, o que supón “unha ameaza para a totalidade do territorio” e “lesiona o principio de autonomía municipal”.
