O grupo socialista pecha a reorganización das áreas de traballo
Noelia Otero censura o “fracaso” da política enerxética da Xunta caracterizada por “improvisacións lexislativas” que xeran “división e inseguridade xurídica”
26/01/2022
Leticia Gallego cualifica de “ataque á sanidade pública” e de “decisión nefasta” a restrición de actividade en 14 centros de atención primaria da área de Vigo
26/01/2022
O Grupo Socialista comunicou hoxe o novo reparto de áreas derivado dos cambios na organización do Grupo parlamentario, logo do nomeamento de Luis Álvarez como portavoz do Grupo Parlamentario. Álvarez encabeza a dirección á que se incorporaron como portavoces adxuntos Begoña Rodríguez Rumbo, Leticia Gallego e Julio Torrado, e que está integrada ademais por Patricia Otero, Juan Carlos Francisco e Carmen Rodríguez.
Gonzalo Caballero será a partir de agora portavoz de Economía e Facenda e Universidade, Begoña Rodríguez Rumbo asumirá Función Pública, Administración Local e Orzamentos, Julio Torrado seguirá á fronte de Sanidade e Marisqueo, e Leticia Gallego Comercio, Turismo e I+D+i. A luguesa Patricia Otero continuará a cargo de Infraestruturas e Transporte e Pesca, e Juan Carlos Rodríguez será o responsable de Deportes, Ordenación do Territorio e Vivenda.
A ourensá Carmen Rodríguez Dacosta encabezará as áreas de Emprego e Montes, Noa Díaz fará o propio con Cultura, Lingua e Igualdade, e Pablo Arangüena asumirá Política Exterior, Calidade democrática e transparencia, Emigración e Medio Ambiente, esta última compartida con Paloma Castro, que continuará á fronte de Xustiza e asumirá Cooperación.
O Parlamentario Martín Seco será o responsable de Industria, Enerxía, Gandería e Agricultura, Noelia Otero asumirá Educación e Mocidade, Voluntariado e LGTBI, e finalmente, a ourensá Marina Ortega continuará á fronte de Política Social.
