Julio Torrado critica a falla de investimento en infraestruturas e que o goberno galego “non faga nada por eliminar o machismo do deporte”

O portavoz de deportes do Grupo Socialista, Julio Torrado, reprochou hoxe á Xunta que se apropie do éxito logrado polos deportistas, clubes e federacións galegas que “non adestran en San Caetano” e considera que obteñen estes grandes resultados a pesar da falta de apoio por parte do goberno do PP.

Julio Torrado entende que, na súa comparecencia para dar conta das políticas da Xunta en materia de deporte, o vicepresidente Diego Calvo amosou “menos humildade ca nunca” e que acudiu á Cámara galega a “presumir de todo o que fan os demais”, xa que considera que os representantes do executivo galego “pasaban por aquí”.

O responsable socialista emendou a acción dos populares no ámbito do deporte, dividindo a mesma en tres aspectos que considera fundamentais. O primeiro é o das infraestruturas, onde critica a inexistencia dun plan de avaliación e que o investimento dependa en cada caso do color político do goberno local.

O segundo ámbito é o da propia actividade deportiva, no que Torrado destacou a difícil situación de deportistas, clubes e federacións que teñen que traballalo todos eles sós sen o apoio do goberno autonómico. “Os clubs fan un gran traballo pero botan de menos ao seu goberno”, apuntou o socialista.

Tamén resaltou a importancia do deporte para a transmisión de valores, onde considera que hai “investimento nulo”, unha gran diferencia con outras comunidades autónomas que teñen “unha política deportiva moito máis avanzada, sobre todo en valores”, apuntou. Do mesmo xeito, reprochou que Calvo tratase a arrogarse campaña impulsadas por outras administracións como a realizada contra a violencia de xénero no deporte, fomentada polo Pacto de Estado.

Para Torrado, esta falla de investimento en infraestruturas e a necesidade de mais persoal técnico que leva ao Centro Galego de Tecnificación Deportiva a non ser un Centro de Alto Rendemento. Ademais, resaltou que son os Fondos Next Generation impulsados polo goberno central “que segundo o PP non chegan a Galicia”, os únicos que están axudando a achegarse a ese obxectivo.

Nesta liña, encontra “indignante e vergoñento” que o goberno galego impedise a a prohibición das cláusulas anti-embarazo nos contratos deportivos en Galicia, que se están a eliminar finalmente grazas á lexislación, alegou. “Non están en eliminar o machismo do deporte”, reprochou á bancada popular.