Gonzalo Caballero reúnese con Adriana Lastra tras o debate da AP-9: “mentres outros queren colgarse medallas, os socialistas damos solucións aos problemas dos galegos”
O PP rexeita a nosa proposta para que a Xunta revise as condicións da rede eléctrica galega
03/02/2021
A vacinación da conselleira delegada de DomusVi é un feito “inadmisible e lamentable”
03/02/2021
O secretario xeral aborda coa voceira socialista no Congreso a axenda de prioridades de Galicia tralo primeiro paso para conseguir o traspaso da AP-9
Gonzalo Caballero sinala que cómpre aplicar as bonificacións nas peaxes “o antes posible”, á vez que se aborden as cuestións relativas ao traspaso da autoestrada
Madrid, 3 de febreiro de 2021. O secretario xeral do PSdeG, Gonzalo Caballero, mantivo hoxe, o día despois de que se aprobara analizar a transferencia da AP-9 a Galicia, unha xuntanza de traballo coa voceira do PSOE no Congreso e vicesecretaria xeral do partido, Adriana Lastra.
Neste encontro, Gonzalo Caballero puxo sobre a mesa a axenda de cuestións relevantes para Galicia, salientando o relativo á prioridade social e económica na loita contra a covid, así como asuntos do eido industrial e en materia de infraestruturas.
“Mentres outros só pensan en colgarse medallas, os e as socialistas estamos dando solucións aos problemas de Galicia”, resaltou o líder do PSdeG ao termo da xuntanza.
No que atinxe á AP-9, Gonzalo Caballero sinalou que cómpre aplicar as bonificacións nas peaxes “o antes posible”, á vez que se aborden as cuestións relativas ao traspaso da autoestrada a Galicia no Congreso dos Deputados.
Tamén no eido das infraestruturas, Caballero e Lastra abordaron a marcha das obras para a chegada do AVE a Galicia, que concluirán este mesmo ano.
Así mesmo, Caballero trasladou os problemas industriais que existen en Galicia e sinalou que “fronte á ausencia de política industrial da Xunta é necesario o compromiso do goberno de España”.
“POLÍTICAS PARA AS PERSOAS”
Xunto coa número dous do PSOE, Gonzalo Caballero destacou a importancia de poñer en marcha “políticas para as persoas”, de xeito que “non quede ninguén atrás” a causa da crise derivada da pandemia.
Así pois, ambos dirixentes socialistas coincidiron na importancia de deseñar políticas para que, ao tempo que se combate a curva dos contaxios, se free tamén “a curva da desigualdade social”.
Ademais, apostaron polo fortalecemento do estado do benestar e por políticas económicas que perfilen unha saída da crise distinta á que impulsaron os gobernos da dereita logo da anterior recesión.
