O secretario xeral require á Xunta “compromiso coa Baña” co reforzo da pediatría e a mellora da AC-546 e o alcalde subliña que o goberno galego “ten que investir e colaborar” cos concellos pequenos
A Baña, 9 de febreiro de 2021. O secretario xeral do PSdeG, Gonzalo Caballero, mantivo hoxe unha xuntanza de traballo co alcalde da Baña, José Antonio Pereira, para abordar as necesidades do concello do interior coruñés e poñer en valor “a magnífica tarefa” que está levando a cabo. Por iso, chamou á Xunta a “comprometerse” con esta vila atendendo ás cuestións pendentes, como a necesidade de contar cun pediatra “a pleno funcionamento” ou de mellorar a estrada AC-546, a que conecta a contorna da Baña con Santiago e a Costa da Morte.
En paralelo, o líder dos socialistas galegos subliñou a importancia da “dixitalización” de Galicia, fundamentalmente no eido rural, e por ese motivo propuxo á Xunta “un gran pacto por unha Galicia plenamente dixital e de futuro” nun contexto no que boa parte do territorio non ten acceso nin a redes de 30 megas. “Necesitamos fondos e compromisos cribles, porque a fenda dixital non é asumible”, recalcou, consciente de que seguimos “á cola de España” neste ámbito.
De feito, apuntou que as catro provincias galegas figuran entre os cinco territorios de España onde hai “máis dificultades de conexión” e destacou a importancia das redes ultrarrápidas nun momento no que se fai necesario teletraballar ou seguir os estudios de xeito telemático. “A crise da covid amosa a necesidade da dixitalización de Galicia”, subliñou Gonzalo Caballero, ao tempo que puxo o foco en que o rural conta con “conexións desastrosas ou, ás veces, inexistentes”.
Fronte ao “déficit de xestión e de compromiso” que a Xunta ten amosado neste eido, o voceiro do PSdeG no Parlamento incidiu en que “cada galego ou galega, independentemente de onde viva, ten dereito a ter unha conexión a internet en condicións”. Por iso, chamou a “facer desta crise unha oportunidade para ter unha Galicia de futuro e innovadora” utilizando os fondos europeos para mellorar as redes nos pequenos concellos, facilitando así o mantemento da poboación e a xeración de actividade económica. “Non podemos ter unha Galicia a dous niveis”, concluíu.
“A XUNTA TEN QUE COMPROMETERSE”
Pola súa banda, o alcalde da Baña, José Antonio Pereira, agradeceu a visita do secretario xeral do PSdeG e aproveitou para sinalar que a Xunta “ten que comprometerse” cos pequenos concellos para darlle “futuro” e evitar a súa “desaparición”.
“A Xunta ten que investir e colaborar, dando solucións a problemas que dependen dela, como o relativo ao servizo de pediatría, as telecomunicacións ou certas infraestruturas”, recalcou o rexedor da Baña, consciente da importancia que teñen estes servizos para poder aumentar en poboación.
Participa na manifestación na defensa da lingua celebrada en Compostela O candidato socialista ao Parlamento Europeo, Nicolás González Casares,…
O secretario xeral do PSdeG lembra que os socialistas adiantaron no Parlamento o 11 de abril un gran pacto polo…
Nicolás González Casares, Lorena Guerra e Elba Veleiro forman parte da candidatura de España nas eleccións europeas do próximo 9…
Denuncia a “escasa ou nula transparencia” por parte do goberno galego e alerta dun empeoramento no servizo O portavoz…
denuncia que o PP leva 13 anos tomándolle o pelo aos pontevedreses e pontevedresas mantendo bloqueada a actuación A…
Reclama un “cambio real” para evitar que se repita o colapso da Atención Primaria e Hospitalaria do pasado verán provocado…