Gonzalo Caballero mantén unha xuntanza con alcaldes e alcaldesas da Costa da Morte para abordar as necesidades da bisbarra
G. Caballero critica que a Xunta peche 600 camas hospitalarias en plena pandemia: “amosa que a Feijóo non lle importa a sanidade pública”
05/07/2021
Pablo Arangüena reclámalle a Feijóo “non relativizar a homofobia” mentres se aclara o asasinato de Samuel
06/07/2021
Denuncian que a comarca está “desatendida” pola Xunta en materia de infraestruturas, servizos públicos e pulo industrial
O secretario xeral do PSdeG, Gonzalo Caballero, estivo hoxe en Muxía para manter unha xuntanza de traballo cos alcaldes e alcaldesas socialistas da zona.
Na xuntanza participaron os alcaldes e alcaldesas de Dumbría -José Manuel Pequeño-, Camariñas -Sandra Ínsua-, Fisterra -José Marcote-, Muxía –Iago Toba-, Carnota, Juan Manuel Saborido-, Vimianzo –Mónica Rodríguez- e Corcubión –Manuel Ínsua-, e a tenente de alcalde de Cee -Emilia Trillo-.
Nese encontro, abordaron as necesidades da Costa da Morte, unha bisbarra “desatendida” pola Xunta en materia de infraestruturas, servizos públicos e pulo industrial.
Así, reclamaron ao goberno galego unha mellora das conexións da comarca coas cidades de Santiago e A Coruña, así como a necesidade de fortalecer os servizos públicos e, nomeadamente, de mellorar a sanidade de cara ao verán.
Aludiron deste xeito aos problemas derivados da falla de pediatras e da necesaria mellora na atención primaria.
Ademais, esixiron á Xunta o desenvolvemento de plans de emprego que reactiven a bisbarra, ao tempo que requiriron solucións para Xeal.
