O secretario xeral do PSdeG asiste, en compañía do alcalde de Verín e outros cargos do partido, á manifestación en defensa do hospital
Verín, 24 de marzo de 2018. O secretario xeral do PSdeG, Gonzalo Caballero, participou este sábado na manifestación en defensa da sanidade pública na bisbarra de Monterrei para recalcar que os socialistas teñen fixado como “prioridade” a necesidade de recuperar a “calidade” deste servizo público.
En compañía do alcalde de Verín, Gerardo Seoane, e diversos cargos do partido, o líder dos socialistas galegos asegurou que está “volcado” en atender as necesidades dos galegos, de xeito que, como garantiu, fará que o PP “escoite con claridade” os problemas da cidadanía.
“O PP está deteriorando a sanidade pública galega con privatizacións, precariedade e falta de orzamentos”, censurou, para sinalar que o hospital de Verín sufre “problemas” en áreas como Urxencias e Traumatoloxía e padece necesidades de persoal “perentorias”.
Así pois, Gonzalo Caballero esixiu a Feijóo que “tome nota” das numerosas protestas en defensa dun sistema público de sanidade “de calidade e proximidade” que ateigan Galicia e que deixe de “facer política de costas á cidadanía”.
No caso concreto de Verín, o secretario xeral reclamou ao goberno galego que “rectifique” e “amplíe os servizos” deste centro e solucione “o déficit de persoal que implica un déficit de atención á cidadanía”.
O secretario xeral do PSdeG clausura o Congreso Extraordinario no que se aprobou unha nova Executiva paritaria con Luis Ángel…
A presidenta do PSdeG, Carmela Silva, dirixiuse hoxe ao PP para esixirlles que “paren esta deriva antidemocrática” de “bulos, ameazas,…
Sinala que a redución da carga burocrática e as esixencias aos agricultores e gandeiros de explotacións de menos de 10…
Lara Méndez lembra a estratexia de “mentira e acoso” político xudicial coas que atacaron aos socialistas galegos, dende Besteiro aos…
Carmen Dacosta alerta da situación límite dos servizos de Urxencias, Oftalmoloxía, Rehabilitación e Atención Primaria e as deficiencias materiais na…
Lembra que só o 30 por cento das vítimas presentan denuncia e emprazou á Xunta a presentar un Plan para…