Gonzalo Caballero denuncia a “terrible e gravísima situación” do Sergas que pechou as consultas de Primaria en 14 centros da área de Vigo: “É unha alerta do que pode ocorrer no futuro se non cambiamos as políticas sanitarias do PP”
Leticia Gallego reclámalle á Xunta que actúe ante o mal estado do Camiño de Santiago ao seu paso por Sanguiñeda, en Mos
04/01/2022
Gonzalo Caballero esixe responsabilidades a Feijóo pola “indignante” situación da Atención Primaria: “Ignorou as advertencias dos profesionais sanitarios e agora a situación é calamitosa”
05/01/2022
Censura os “recortes” da Feijóo durante 12 anos nos que “descoidou ao persoal sanitario e descapitalizou a sanidade pública galega”
O portavoz parlamentario do PSdeG, Gonzalo Caballero, denunciou hoxe a “terrible e gravísima decisión” do Sergas de pechar consultas en 14 centros de saúde da área de Vigo que afectan a oito concellos do sur de Galicia.
“Estamos fondamente preocupados”, sinalou o dirixente socialista, xa que isto “é unha alerta do que pode ocorrer no futuro, noutros momentos e noutros lugares de Galicia, se non cambiamos as políticas sanitarias do PP que son lesivas para a Atención Primaria e para a sanidade pública galega”.
Neste sentido, o voceiro parlamentario censurou a política de “recortes da Xunta do PP” que “descoidou ao persoal sanitario e descapitalizou a sanidade pública galega” e agora restrinxe o servizo nestas unidades onde o persoal médico só atenderá urxencias e cuestións vinculadas coa covid.
“Tras 12 anos de políticas contra a sanidade pública, o Sergas comeza o 2022 pechando as consultas do médico de cabeceira porque non hai persoal médico suficiente, o cal é unha situación gravísima que non podemos consentir”, incidiu Gonzalo Caballero.
A restrición da actividade, anunciada pola Dirección de Atención Primaria do Sergas, afecta aos centros de saúde de O Rosal, A Guarda, Oia, Moaña, Ponteareas, O Porriño, Tomiño e aos centros de Vigo de Navia, Nicolás Peña, Beiramar, Casco Vello, Matamá e Teis.
“É MÁIS NECESARIO QUE NUNCA FORTALECER A SANIDADE PÚBLICA”
Con todo, o responsable socialista subliñou a necesidade de volver contratar aos máis de 500 profesionais de reforzo despedidos e continuar cunha “estratexia de vacunación crecente”, xa que esta “é a mellor garantía para afrontar o futuro e poder convivir co virus”.
“Coa Atención Primaria saturada e co persoal sanitario desbordado, é máis necesario que nunca fortalecer a sanidade pública galega, polo que a Xunta debe reforzar o persoal contratado para poder ofrecer un servizo de calidade a pleno rendemento cando máis se necesita”, incidiu, xa que nos atopamos nun momento “preocupante” nunha sexta onda coa incidencia da covid “disparada”.
Por último, Gonzalo Caballero urxiu á Xunta a “defender a sanidade pública” e abordar unha política laboral dentro do Sergas de “estabilidade e compromiso” cos profesionais sanitarios, cuestión que o Grupo Socialista xa levou o ano pasado á Comisión de Reactivación do Parlamento onde defendeu a creación de 5.000 novas prazas estables na sanidade pública e a estabilidade laboral para profesionais que levan tempo na interinidade de contratos laborais sucesivos, ás veces contratos por 1 día.
