O portavoz de Sanidade do Grupo Socialista, Julio Torrado, esixiulle hoxe ao presidente do PP que “rectifique” as “bravuconadas” de Telmo Martín sobre a sanidade galega. O responsable socialista afeoulle ao alcalde de Sanxenxo que cualificara hoxe como populistas de merda (sic) a aqueles críticos coa xestión da sanidade pública.
Puntualizou que “populista –sen engadir os lamentables adxectivos incluídos polo alcalde de Sanxenxo-, é un partido que di defender á sanidade pública, pero que despois non destina un só euro dos orzamentos a investir nela, como por exemplo fai a Xunta de Galicia co Concello de Telmo Martín e a comarca na que se atopa”.
Torrado sinalou que “o desnorte do PP é abafante e a súa perda de papeis é insoportable”, antes de criticar que cargos relevantes daquel partido como é o caso de Martín “teñan que recorrer a exabruptos como un intento desesperado de desviar a atención do deterioro da sanidade pública logo de 10 anos de recortes por parte do goberno galego”.
Advertiu que “persoeiros como Telmo Martín son os que denigran a política”, e preguntou “que lle sucede ao PP do Salnés”, que “acolle persoeiros tan salientables –ironizou- como o actual alcalde de Sanxenxo ou o rexedor de Vilanova de Arousa”. Lembrou que o propio Gonzalo Durán foi quen, antes de denigrar ás mulleres nas súas declaracións contra a presidenta da Deputación de Pontevedra, acusara aos médicos de provocar listas de espera por ser vagos.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…