A parlamentaria socialista Begoña Rodríguez Rumbo reclamou hoxe a mediación do goberno galego para acadar o pago das débedas da anterior adxudicataria dos comedores escolares do Lote 3 de Bergantiños. Rodríguez Rumbo presentou unha pregunta na Comisión de Educación na que sinalou que Gescor segue sen pagar a débeda cos traballadores e ten pendente o pago de 5.000 euros a unha panadería.
A responsable socialista criticou a lentitude do goberno galego á hora de facer fronte ás queixas provocadas polas eivas rexistradas nos centros escolares CEIP Plurilingüe Celso Emilio Ferreiro de Cerceda, CEIP Bergantiños e CEIP Gándara Sofán de Carballo, e os CEIP Joaquín Rodríguez Otero e o CEIP Milladoiro de Malpica de Bergantiños.
Rodríguez Rumbo lembrou que, a pesares de que os pais e nais amosaron a súa conformidade cos menús, si que tiveron que padecer o pago de seis meses dunha soa vez polas deficiencias da empresa á hora de tramitar as facturas. Ademais, a forma de elaborar os menús, acumulando o lote completo na cociña do CEIP Celso Emilio Ferreiro, supuxo pasar de 67 a 342 menús sen as instalacións acaídas, soportando continuos cortes de luz e salvando a falla de espazo para almacenamento.
Aínda que o goberno galego rematou rescindindo o contrato, a día de hoxe mantense a débeda da empresa tanto cos traballadores como cos provedores locais, polo que reclamoulle ao goberno galego que “poña os medios para que esta xente cobre” e a mediación para saldar a débeda cos comercios.
Criticou que a resposta do goberno galego “non foi tan áxil como quere facer ver”, xa que acumulou queixas sobre o pago a provedores dende setembro de 2017, e actas dos centros por problemas sanitarios a data 3 e 30 de marzo e 11 de abril. Advertiu que “a 20 de maio o colexio non tiña ningunha resposta, porque así o colexio tiña que facerse responsable do que puidera pasar”.
A portavoz de Política Forestal do Grupo Socialista, Carmen Rodríguez Dacosta, alertou de que a Xunta aínda non comezou cos…
Dirixentes e cargos públicos do PSdeG manifestaron hoxe a súa “sincera e fonda preocupación” polo que consideran unha “grave declaración…
Lamenta o voto en contra do PP á proposta socialista para implantar un programa de educación ambiental nos centros educativos…
A nova Executiva do PSdeG reuniuse hoxe por primeira vez tras o Congreso extraordinario do pasado domingo, coincidindo co 145.º…
Advirte que “tan insensato é pretender o desenvolvemento indiscriminado de toda a potencia eólica solicitada como optar pola prohibición total…
Paloma Castro critica o voto en contra do PP no Parlamento á ampliación dos polígonos de Reigosa, Fragamoreira e O…