Besteiro invita ao novo presidente da Xunta a aproveitar o seu mandato para “mudar o conformismo pola ambición de país”
O Grupo Socialista contrapón a Galicia “de fantasía” de Rueda co “baño de realidade” económica polo aumento do gasto e da débeda dos que alertou onte a Airef
12/04/2024
Besteiro critica que Rueda deseñe un goberno “de fieis” en detrimento da xesión política
15/04/2024
O voceiro do PSdeG no Parlamento de Galicia, José Ramón Gómez Besteiro, pediullle hoxe ao presidente da Xunta, Alfonso Rueda, que encare o novo mandato con “ambición de país” e que o faga a través do diálogo, “que escoite a todas as galegas e a todos os galegos”.
En declaracións realizadas momentos antes da toma de posesión de Rueda como presidente, en Bonaval, Besteiro desexoulle sorte no seu cometido, porque “esta pode ser a lexislatura das oportunidades e non nos podemos permitir que sexa a lexislatura das oportunidades perdidas”, dixo. “Que pasados catro anos vexamos que se aproveitaron”, subliñou.
“Dende un lugar tan inspirador como o Panteón de Galegos Ilustres”, o portavoz socialista insistiu en que Alfonso Rueda “ten que mudar o conformismo pola ambición de país”.
