Besteiro e González Casares animan a votar “por unha Europa forte fronte a quen pretende destruíla”
Paloma Castro critica a falla dunha política galega de loita contra o lixo mariño por parte da Xunta logo da contaminación por pélets
08/06/2024
Besteiro sinala que as eleccións europeas sitúan aos socialistas como “referencia da esquerda” e apuntan á senda da reactivación en Galicia
10/06/2024
O líder dos socialistas galegos votou no CEIP Rosalía de Castro de Lugo, onde salientou a importancia da xornada, porque “o que pasa en Europa nos afecta directamente”
Nicolás González Casares chama a votar “polo futuro da Europa que queremos”
O secretario xeral do PSdeG, José Ramón Gómez Besteiro, animou hoxe a votar “por unha Europa forte, fronte a quen pretende destruíla”. Así o dixo logo de exercer o dereito ao voto ás 09,30 da mañá no seu colexio electoral do CEIP Rosalía de Castro, de Lugo, onde animou a “desfrutar da votación das eleccións europeas” cando quedan “horas por diante” de xornada.
O responsable socialista sinalou que “votar por Europa é votar por nós”, sinalando a relevancia das institucións comunitarias, “moi presentes nas nosas vidas”, e salientou que “o que pasa en Europa nos afecta directamente”.
O candidato socialista ao Parlamento Europeo, Nicolás González Casares, depositou o seu voto en Lalín, onde salientou a importancia do voto para decidir “o futuro da Europa que queremos” e para reforzar o “proxecto máis grande na historia de paz e de democracia”. Animou á cidadanía a achegarse aos colexios electorais e defender o proxecto de “prosperidade e liberdade” que representa Europa.
