Categorías: Actualidade

A Xunta leva 15 anos sen desenvolver a Lei que regula as emerxencias climáticas de Galicia

Paloma Castro critica o “inactivismo medioambiental” da conselleira, que deixa toda a política “no papel e sen accións reais” máis alá do reparto discrecional dos fondos para beneficiar a concellos do PP

 

A portavoz de Interior do Grupo Socialista, Paloma Castro, alertou hoxe de que o goberno galego leva 15 anos sen desenvolver o regulamento da Lei de Emerxencias de Galicia. Castro presentou unha interpelación no Pleno do Parlamento diante do desleixo do goberno galego diante de posibles catástrofes climáticas e alertou da falla de coordinación e de preparación fronte a estes fenómenos provocados polo cambio climático.

 

Lembrou que malia ter votado no seu día en contra da Lei de Emerxencias de Galicia, que creou a Axencia Galega de Emerxencias -Axega-, elaborada polo goberno presidido polo socialista Pérez Touriño, a día de hoxe non foron quen de desenvolver un regulamento que garanta a aplicación da Lei e un funcionamento máis eficiente do Plan director.

 

Advertiu que o goberno galego está a deixar de lado a necesidade de coordinación coas administracións locais. Insistiu na necesidade de preparar a resposta diante dunha emerxencia como a vivida naquela Comunidade Autónoma, que se converteu en traxedia pola “xestión irresponsable” do goberno da Generalitat Valenciana.

 

Castro explicou que nun caso como o de Valencia e “incluso moito menor” terían que traballar de maneira coordinada consorcios, parques municipais e GES, xa que neste momento non existe unha escala de mando unificada, polo que “o desastre está garantido”. Advertiu que non se realizan exercicios nin simulacros, nin existen procedementos de actuación que contemplen este escenario multi axencia e falla a coordinación tamén co servizo de Bombeiros Forestais.

 

Así o demostrou coa xestión “moi mellorable” do servizo de emerxencias por parte da Axencia de Emerxencias de Galicia -Axega-. Lembrou que o goberno galego non puxo en marcha ao Servizo de Bombeiros para atender ás 1.300 incidencias rexistradas polo 112 durante o temporal Kirk, malia que si que os mobilizaron parcialmente para acudir en axuda de Valencia, o que saudou.

 

Unha Axega, lembrou, que si que se preocupa polo contrario de repartir “a dedo” entre os concellos o material que adquiren, e que levan 3 anos sen dar conta de 110 tablets compradas en 2021 por un valor de 80.333 euros, o 75 por cento a cargo da UE, que ían destinadas á colaboración con Castela e León e o Norte de Portugal.

 

En definitiva, chamou a mellorar os medios materiais, profesionalizar as plantillas e facer o reparto de recursos con transparencia, ademais de despregar campañas informativas en zonas de risco informando sobre medidas de autoprotección en caso de emerxencia.

 

Inactivismo medioambiental

 

A portavoz de Medio Ambiente do Grupo Socialista interveu previamente na comparecencia da conselleira, á que lle afeou o seu “inactivismo medioambiental”, con “moitas roldas de prensa, noticias ou publicidade pero ningunha acción real”. Reclamoulle que invista en “medidas reais e non só no papel para sanear as nosas rías”, cun goberno galego asistindo “de espectador” diante das caída drástica da produción do marisco.

 

Paloma Castro criticou a pasividade da Consellería mentres os informes ecoloxistas conceden 16 bandeiras negras en Galicia pola presenza de vertidos, moitos deles con metais pesados, e polos sistemas de saneamento deficiente. As costas galegas tamén recibiron estas bandeiras negras por contaminación química, danos ao patrimonio natural, acumulación de lixo mariño, dragados e ampliacións portuarias sen xustificar ou afectación á biodiversidade.

 

Alertou de que esta situación deriva da “falla de políticas efectivas” por parte da Xunta, e require de “medidas urxentes” da administración autonómica, responsable de controlar a contaminación, os vertidos, o mal funcionamento das estacións depuradoras e a baixa calidade da auga dos ríos. Criticou  falla de investimentos do goberno galego para o saneamento “salvo que se trate de concellos do PP”, os beneficiarios case en exclusiva do reparto discrecional de fondos.

 

A responsable socialista lamentou que a conselleira comparecera no Parlamento “para ofrecer seguidismo coa política dos últimos 13 anos e confrontación co goberno central” como resumo das súas propostas para os próximos catro anos. Reclamoulle así que “abandonen o enfrontamento” coa escusa da Lei de Ordenación e Xestión do Litoral e abran o camiño ao diálogo para que o desenvolvemento económico manteña o equilibro coa conservación do medio ambiente.

 

Advertiu que o goberno galego “ofrece metas ambiciosas que despois non compren, e lembroulle a obriga de cumprir co Pacto Verde Europeo para protexer o patrimonio natural e un maior compromiso coa conservación da biodiversidade. Durante a súa intervención, a portavoz socialista responsabilizou ao goberno galego de ter provocado un “caos e futuro incerto porque non existe xestión nin planificación enerxética”.

 

Responsabilizou á conselleira de provocar inseguridade xurídica no sector eólico xa que “logo de 15 anos foron incapaces de planificar nin de regular” o desenvolvemento do sector, cunha xestión irresponsable que derivou na paralización de case 70 parques eólicos en Galicia

Compartir
Publicado por
PSdeG-PSOE

Últimas novas

  • Secretaría Xeral

Besteiro advirte que a dereita quere impugnar os avances dos últimos sete anos e chama a relanzar o proxecto de goberno coa igualdade no centro de acción política

O secretario xeral do PSdeG aposta por relanzar a acción de Goberno, tomar a iniciativa…

05/07/2025
  • Secretaría Xeral

Besteiro: “Este Comité Federal é unha oportunidade para reorganizarnos e reforzarnos como partido

O secretario xeral do PSdeG participa este sábado en Madrid no Comité Federal do PSOE,…

04/07/2025
  • Actualidade

O Grupo Socialista esixe dende o Parlamento a paralización inmediata do traslado do servizo de partos ao novo paritorio provisional do CHUO

Carmen R. Dacosta presenta unha batería de iniciativas parlamentarias para frear a decisión do Sergas…

04/07/2025
  • Actualidade

O Grupo Socialista acusa ao responsable da loita contra a violencia de xénero de “secundar a vergoñenta resposta do goberno galego” diante do “Caso Villares”

Paloma Castro critica que o presidente da Xunta respondera a unha denuncia por agresión sexual…

04/07/2025
  • Actualidade

Lara Méndez: “Se o PP fose coherente, a súa ponencia titularñiase “programa para desmantelar dereitos e sementar odio”

A secretaria de Organización do PSdeG denunciou que o PP “quere borrar o galego”, pretendendo…

03/07/2025
  • Actualidade

O Grupo Socialista empraza ao PP a actualizar as normas da Comisión do Consello de Contas para incrementar os debates e adiantar o Plan de Traballo do ente fiscalizador

Elena Espinosa reclama fiscalizar un informe sobre as subvencións “a dedo” concedidas polo PP dende…

03/07/2025