Categorías: Actualidade Secretaría Xeral

Os “Diálogos con Raíz” levan á Coruña aos maiores expertos nos retos da intelixencia artificial

Besteiro destacou a relevancia de celebrar a xornada nunha cidade que se vai converter “nunha referencia” coa chegada da AESIA e avanzou que o Grupo Socialista emendará a lei sobre IA que impulsa a Xunta pola súa falta de ambición

 

Un elenco de recoñecidos expertos tanto do ámbito científico como da análise do impacto social e laboral da tecnoloxía debaterán este sábado na Coruña, na Fundación Luís Seoane, sobre ciencia e investigación, dentro do ciclo “Diálogos con Raíz”, que o PSdeG vén realizando durante os últimos meses. A xornada, que dará comezo ás 10.00 horas, prestará especial atención ao desenvolvemento da intelixencia artificial e as súas repercusións.

 

O portavoz do Grupo Parlamentario Socialista, José Ramón Gómez Besteiro, presentou hoxe xunto ao primeiro tenente de alcaldesa da cidade, José Manuel Lage, e ás concelleiras Noemí Díaz e Nereida Canosa, o programa, no que destaca, asegurou, “o altísimo nivel dos participantes”. Entre eles figuran científicos, investigadores e expertos de gran prestixio que ofrecerán diferentes perspectivas sobre “cómo impulsar a ciencia e regular o uso da intelixencia artificial dun xeito ético e responsable”.

 

Sinalou tamén que o evento cobra aínda máis relevancia por ter lugar na Coruña, que albergará a futura sede da Axencia Estatal de Supervisión da Intelixencia Artificial (AESIA) froito do traballo dos gobernos socialistas estatal e local, o que converterá á cidade “nunha referencia” dentro do ámbito tecnolóxico e dixital.

 

Coincidiu con el nesa valoración José Manuel Lage, que asegurou que A Coruña enfronta a súa “segunda gran transformación” logo de que os gobernos socialistas dos anos oitenta e noventa impulsaran a súa modernización.

 

Besteiro referiuse, ademais, ás implicacións da IA para a vida diaria das persoas e a súa influencia sobre aspectos como a información, que tamén se analizará nos “Diálogos con Raíz”, especialmente no relacionado coa propagación das coñecidas como “fake news”. José Ramón Gómez Besteiro subliñou a necesidade de fixar unha regulación que garanta que a intelixencia artificial estea “ao servizo das persoas” e que se protexan os dereitos e a privacidade.

 

Besteiro explicou que, con este tipo de iniciativas, o PSdeG quere reforzar o seu compromiso coa ciencia e o coñecemento nunha Galicia “con talento e capacidade” para situarse á vangarda, algo para o que require tanto apoio coma ambición por parte das institucións. Nese senso, avanzou que o Grupo Socialista emendará a lei que impulsa a Xunta para regular a IA, porque se trata dun texto carente desa ambición.

 

“Diálogos con Raíz” é un ciclo de debates que o PSdeG está levando por toda Galicia para abordar temas que preocupan á cidadanía, como a vivenda, o financiamento local e a sanidade. Estes foros están abertos a especialistas e expertos de todos os ámbitos, partidos políticos e á cidadanía en xeral, porque, lembrou Besteiro, o partido entende que os grandes desafíos da sociedade galega deben estar “abertos” a unha análise plural.

 

Nesta ocasión, a xornada contará con expertos como María de la Fuente, directora do grupo de nanooncoloxía do IDIS; Juan Lema, catedrático de Enxeñaría Química e presidente da Academia Galega de Ciencias; Salvador Naya, catedrático de Estatística e Investigación Operatuva da UDC; Berta Guijarro, profesora de Computación e Tecnoloxías da Información; Alberto Gago, experto da Secretaría de Estado de Dixitalización e IA; Belén Regueira, decana do Colexio Profesional de Xornalistas de Galicia, e José Varela Ferrío, responsable de dixitalización de UGT. O deputado autonómico e ex reitor da UDC Julio Abalde e o catedrático de Ciencias da Computación e IA Senén Barro serán os encargados de moderar as mesas.

Compartir
Publicado por
PSdeG-PSOE

Últimas novas

  • Actualidade

O Grupo Socialista defende integrar a formación no uso dos dispositivos dixitais no sistema educativo como medida preventiva fronte ao ciberacoso

Julio Abalde reclámalle a Educación que dea conta da aplicación do protocolo fronte ao acoso…

13/02/2025
  • Actualidade

O Grupo Socialista acusa á Xunta de encargar unha enquisa “ad hoc” sobre a lingua para “fabricar unha Galicia imaxinaria que non existe”

Silvia Longueira puntualiza que “cando a realidade non lles da a razón encargan a unha…

13/02/2025
  • Actualidade

Os socialistas denuncian unha nova alianza do PP coa ultradereita en contra do uso do galego

Obdulia Taboadela censurou no Congreso “o boicot á nosa lingua” por parte dos populares mentres…

13/02/2025
  • Actualidade

Silvia Longueira denuncia a estratexia da Xunta de “parálise e destrución progresiva” da Dependencia

A deputada socialista Silvia Longueira presentou hoxe unha pregunta urxente no Parlamento de Galicia para…

12/02/2025
  • Actualidade

O Grupo Socialista reclámalle á Xunta que reforce o profesorado de apoio no CEIP Bergantiños de Carballo

Patricia Iglesias alerta da “situación crítica” no centro provocada polos “recortes en educación” aplicados polo…

12/02/2025
  • Actualidade

O Grupo Socialista urxe á Xunta a garantir prazas asistenciais para adultos con TEA na provincia de Pontevedra

Paloma Castro sinala que en toda a provincia só hai 56 prazas e lembra que…

12/02/2025