Marina Ortega pide á Xunta que “actúe” despois de que o PP recoñecese na sesión de hoxe no Parlamento que “son conscientes das demoras e da falla de persoal”
A deputada ourensá cualifica de “inasumible” que un enfermo de cancro agarde “ata 5 meses” por un TAC
O PP vén de negarse a aprobar unha iniciativa socialista para instar á Xunta a incrementar o persoal de Radioloxía no Complexo Hospitalario Universitario de Ourense (CHUO) e axilizar as listas de espera de doentes pendentes de TAC, especialmente das persoas enfermas de cancro.
Ocorreu hoxe, na Comisión de Sanidade do Parlamento, onde o Grupo Popular votou en contra dunha proposición non de lei defendida pola deputada ourensá Marina Ortega sobre esta cuestión.
Neste marco, a dirixente socialista pediu á Xunta que “actúe” despois de que o PP recoñecese na sesión de hoxe na Cámara galega que “son conscientes das demoras e da falla de persoal” que están provocando que existan enfermos de cancro que teñan que agardar “ata 5 meses, que saibamos, por un TAC”.
A situación “é inasumible”, incidiu a socialista, e máis cando sabemos que existe “unha casuística especial” porque “Ourense é a segunda provincia de España coa taxa de incidencia máis alta de cancro”, chegando a 858 casos por 100.000 habitantes.
“Veñen aquí a dicir que hai falla de profesionais, que son conscientes da situación e que non van facer nada, e aínda por riba critican e fan xuízos de valor sobre a iniciativa presentada polo Grupo Socialista”, censurou a voceira ourensá.
“Que van facer? Cruzarse de brazos mentres teñen as competencias en sanidade?”, cuestionou Ortega, tras pedir ao Executivo galego que deixe “a política de ollos que non ven” e “reverta” a situación “polo ben de manter unha sanidade pública en condicións”.
Reclama un “cambio real” para evitar que se repita o colapso da Atención Primaria e Hospitalaria do pasado verán provocado…
Esíxelle á nova xerencia da área que reforce o persoal sanitario para garantir a asistencia sanitaria de calidade que merecen…
Reivindica axudas para garantir a supervivencia dun sector estratéxico para Galicia O portavoz de Pesca do Grupo Socialista, Julio…
Censura a devaluación da antiga Secretaría Xeral de Igualdade no novo goberno e alerta de que a reintegración do concelleiro…
Repróchalle ao presidente da Xunta que o PP se descolgara onte dun acordo parlamentario para pedir a continuidade das bonificacións…
Carmen Rodríguez Dacosta criticou que o PP, cando chegou ao Goberno no 2009, “eliminou todas as políticas de igualdade no…