Luis Álvarez urxe á Xunta a súa “implicación” na negociación do novo convenio colectivo dun sector que se atopa en condicións de “enorme precariedade”
O voceiro parlamentario do PSdeG, Luís Álvarez, mantivo hoxe, xunto ás voceiras de Política Social e de Traballo do Grupo Socialista, Marina Ortega e Carmen Rodríguez Dacosta, unha xuntanza con representantes sindicais de UGT, CCOO e CIG tras anunciar, a partir do vindeiro 17 de marzo, a convocatoria de folga indefinida á que están chamadas 10.000 traballadoras e traballadores de residencias de maiores e centros de día privados de Galicia.
Neste contexto, Álvarez trasladou o “apoio” do Grupo Parlamentario Socialista á folga de persoal que denuncia condicións de “enorme precariedade” nas que o colectivo está a desenvolver un traballo “de carácter esencial” para a sociedade.
“Defendemos condicións de traballo dignas en canto a xornadas e retribucións laborais para as traballadoras e traballadores”, reivindicou o dirixente socialista, quen incidiu na necesidade de adaptar os cocientes de persoal ás “necesidades reais” das residencias, “unha cuestión que o PSdeG levou xa en diversas ocasións ao Parlamento” e máis tendo en conta que “a pandemia puxo de manifesto as fondas carencias do sistema”.
Por todo isto, o dirixente socialista pediu á Xunta de Galicia a súa “implicación” na negociación do novo convenio colectivo cando ademais “é o goberno galego quen financia moitos centros da terceira idade a través de convenios”.
“O Executivo galego non pode dar as costas ás traballadoras e traballadores de residencias de maiores e centros de día privados de Galicia, xa que realizan un traballo fundamental e as súas condicións de traballo repercuten directamente nunha mellor atención no benestar das persoas maiores”, concluíu o socialista.
Reivindica axudas para garantir a supervivencia dun sector estratéxico para Galicia O portavoz de Pesca do Grupo Socialista, Julio…
Censura a devaluación da antiga Secretaría Xeral de Igualdade no novo goberno e alerta de que a reintegración do concelleiro…
Repróchalle ao presidente da Xunta que o PP se descolgara onte dun acordo parlamentario para pedir a continuidade das bonificacións…
Carmen Rodríguez Dacosta criticou que o PP, cando chegou ao Goberno no 2009, “eliminou todas as políticas de igualdade no…
Carlos López Font presenta no Parlamento como emenda o acordo de investidura coa proposta “sensata e coherente” para ir cara…
Paloma Castro denuncia a “utilización política” con Consello Xeral do Poder Xudicial por parte do PP e reclámalles que cumpran…