Begoña Rodríguez Rumbo denuncia no Parlamento que o goberno galego anuncie a gratuidade das escolas de 0 a 3 anos pero obrigue aos concellos a asumir o seu custe
A portavoz de Facenda do Grupo Socialista, Begoña Rodríguez Rumbo, esixiulle hoxe á Xunta que amplíe a Rede de Escolas Infantís para atender á demanda con centros públicos e que asuman o seu funcionamento nos Orzamentos de 2024. A responsable socialista presentou unha proposta neste sentido na Comisión de Economía do Parlamento que foi rexeitada polo PP.
Rodríguez Rumbo puxo o acento sobre a negativa do PP a esta proposta, co que están rexeitando que a Xunta asuma os custes da prestación das competencias que lle son propias e que están descargando nos concellos sen lles dar o financiamento necesario, nomeadamente neste caso dos centros de educación infantil de 0 a 3 anos.
Lembrou que o propio Feijóo anunciara a gratuidade das escolas infantís no debate do Estado da Autonomía de 2021, cando aínda era presidente da Xunta, pero non dixera que a maior parte do financiamento recaería nos concellos, aos que están a “afogar” ao obrigalos a asumir competencias que lle corresponden á Xunta. É o caso, explicou, das escolas infantís, pero tamén do Servizo de Atención no Fogar ou do ciclo da auga.
Criticou que “unha vez máis a Xunta invita e os concellos pagan”, mentres o goberno galego asiste como “convidado de pedra dicindo que o Estado non me da, criticando ás Deputacións e aos concellos nos que non gobernan”. Ironizou neste sentido coa iniciativa presentada polo PP o pasado mércores para reclamarlle a gratuidade das escolas infantís ao Estado malia que non é competente e evidenciando que “xa saben que Feijóo non vai ser presidente”.
Rodríguez Rumbo cuestionou a posta en marcha da gratuidade das escolas infantís por parte da Xunta, obrigando aos concellos pequenos a asumir o 60 por cento do custe e ademais orzamentando 41 millóns de euros para as escolas privadas e apenas 10,6 para as que son de titularidade municipal. Afeoulles que a Xunta financie ata 329 euros mensuais por praza nas escolas privadas pero só 169 nas públicas, catro veces menos.
Reivindica axudas para garantir a supervivencia dun sector estratéxico para Galicia O portavoz de Pesca do Grupo Socialista, Julio…
Censura a devaluación da antiga Secretaría Xeral de Igualdade no novo goberno e alerta de que a reintegración do concelleiro…
Repróchalle ao presidente da Xunta que o PP se descolgara onte dun acordo parlamentario para pedir a continuidade das bonificacións…
Carmen Rodríguez Dacosta criticou que o PP, cando chegou ao Goberno no 2009, “eliminou todas as políticas de igualdade no…
Carlos López Font presenta no Parlamento como emenda o acordo de investidura coa proposta “sensata e coherente” para ir cara…
Paloma Castro denuncia a “utilización política” con Consello Xeral do Poder Xudicial por parte do PP e reclámalles que cumpran…