Gonzalo Caballero salienta o compromiso do Goberno coa AP-9: “Os socialistas galegos conseguimos unha rebaixa histórica das peaxes a pesares do voto en contra de PP e BNG aos PGE”
O Grupo Socialista presenta 17 preguntas na Comisión de Sanidade e Política Social para denunciar a opacidade da Xunta: “É un intento de burla e de pisoteo ao Parlamento”
11/02/2021
Paloma Castro urxe á Xunta a mellorar as condicións de seguridade da estrada vella de Marín
12/02/2021
O líder do PSdeG recorda que “PP e BNG votaron contra os Orzamentos do Estado que van rebaixar as peaxes” e pregunta á Xunta se vai contribuír con bonificacións
O secretario xeral demanda que se logre un bo acordo de rebaixa das peaxes duradeiro ata 2048 e que se faga o antes posible
O secretario xeral do PSdeG, Gonzalo Caballero, mantivo hoxe un encontro co ministro de Transportes, José Luis Ábalos, e co secretario de Estado de Infraestruturas, Pedro Saura, no que constatou o compromiso do goberno de España coa rebaixa das peaxes da AP-9. O dirixente socialista instou a traballar intensamente nunha rebaixa das peaxes que debe perdurar ata 2048 e que “se pode facerse en abril ou maio, mellor que en xuño”.
O voceiro do Grupo Socialista no Parlamento chamou ao goberno de España a “non perder un minuto, nin unha semana” para acadar a transferencia e consolidar a rebaixa, incluída nos Orzamentos Xerais do Estado con 63 millóns de euros fronte aos “cero euros” que aporta Feijóo. Confirmou que “o traballo dos socialistas galegos na demanda do traspaso e a rebaixa fará que ambas cuestións sexan unha realidade”.
Ao respecto, Gonzalo Caballero requiriu ao presidente da Xunta que “non intente buscar escusas e torpedear os acordos”, senón que “aplauda cando chegue a rebaixa e que traballe para un traspaso que cando o PP gobernaba nunca quixo facer”. De feito, criticou o “cinismo sen límites” do PP de Galicia, que “vetou o traspaso da AP-9 nos gobernos de Rajoy e non traballou por acadar esta rebaixa histórica nas peaxes”, a pesar do cal “Feijóo e a súa conselleira amosan agora moita présa”.
Reclamoulles que “sexan leais” e apuntou que “percibo o nerviosismo de PP e BNG cando falamos da AP-9 porque quedaron fóra de xogo, uns por non facer nada cando gobernaban e os outros por facer unha pinza co PP para votar contra os Orzamentos do Estado que van rebaixar as peaxes”.
Caballero pediulle tanto a PP como a BNG “que colaboren” logo de constatar que “quedaron descolocados nesa pinza contra o Goberno de España en materias da AP-9”, mentres lle reclamou ao goberno de España “que chegue a un bo acordo o antes posible” coa concesionaria da infraestrutura para facer efectiva a rebaixa.
Lembrou que foi o goberno de Aznar o que “nos deixou o regalo envelenado” da ampliación da concesión, e polo tanto das peaxes, da AP-9 ata 2048 que teñen que asumir tódolos galegos e galegas e que agora será mudado “de forma histórica” polo goberno socialista.
Esixiulle a Feijóo que “ademais de estar sempre reclamando e protestando, é hora de que asuma que o PP foi responsable do que ocorre na autoestrada”. Ademais, preguntoulle “cantos fondos vai poñer para a rebaixa das custes da AP-9, porque foron Aznar, Rajoy e tamén Feijóo e Ana Pastor os que as puxeron ata 2048”.
