Formoso salienta que “o socialismo está co feminismo no mesmo camiño” de “garantir e avanzar en dereitos”
Patricia Otero reclámalle á Xunta a creación dun observatorio de igualdade do sector pesqueiro para mellorar a situación das galegas que traballan no mar
08/03/2022
Luis Álvarez reclama medidas e solucións tras 13 anos “erráticos e dunha nefasta política de igualdade” do goberno Feijoo
09/03/2022
O líder dos socialistas galegos encabeza a delegación socialista na manifestación do 8M en Santiago
O secretario xeral do PSdeG, Valentín González Formoso, sinalou hoxe que “o feminismo é a forma de garantir e avanzar en dereitos, e o socialismo está co feminismo nese mesmo camiño”. Así o dixo na manifestación convocada con motivo do Día da Muller hoxe en Santiago, onde encabezou a delegación socialista, tras da pancarta “contra a mercantilización das mulleres, abolición”.
Salientou que “hoxe é un día importante para a sociedade e tamén para o socialismo, para reivindicar que en materia de dereitos e obxectivos reais de cara á igualdade de homes e mulleres non está todo conseguido nin moito menos”.
O líder dos socialistas galegos sinalou que “queda moito camiño por andar”, malia os “grandes avances grazas ás medidas adoptadas polo PSOE no ámbito do Estado”, polo que “hoxe toca seguir reivindicado”.
