Censura o “catálogo de promesas incumpridas” polo goberno galego logo de que Feijóo recoñecese que o parque acuático de Monterrei carece de proxecto construtivo 5 anos despois de anuncialo “a bombo e platillo”
A deputada ourensá Carmen Rodríguez Dacosta vén de lamentar que Feijóo estea “máis preocupado por dirixir o Partido Socialista en Ourense que en realizar os proxectos prometidos” na cidade. Fíxoo, hoxe, en Comisión do Parlamento, a través dunha serie de preguntas sobre o proxecto do parque acuático de Monterrei ao goberno galego.
“Case 5 anos despois do primeiro anuncio sobre esta infraestrutura, Feijóo participaba na inauguración da mellora das instalacións deportivas, onde recoñecía que a Xunta non contaba con proxecto construtivo para as instalacións acuáticas”, alertou a socialista.
Isto supón, sinalou, que logo da “propaganda a bombo e platillo”, o parque acuático de Monterrei súmase ao “catálogo de promesas incumpridas de Feijóo” en Ourense, onde xa se atopan “o Gran Hotel Balneario, o tan anunciado Ecobarrio ou o desenvolvemento do Plan Termal de Ourense, cunhas pozas pechadas pola inoperancia de Jácome e a pasividade do PP”.
“O desprezo do presidente da Xunta á terceira cidade de Galicia é palmario”, lamentou a responsable socialista, quen fixo un chamamento ao goberno galego “para que mude de actitude e se tome en serio tanto a cidade de Ourense como a provincia”. “Póñase mans á obra porque entre o desastroso e ineficaz alcalde que temos en Ourense, a pleitesía do PP cara ao mesmo e a pasividade do goberno galego na nosa cidade, a situación é insostible”.
Así a todo, Rodríguez Dacosta chamou á Xunta a levar a cabo un “impulso decidido dende as institucións” en cuestións como emprego, termalismo ou infraestruturas.
O candidato do PSdeG ao Parlamento Europeo sinala que “demostramos que o noso obxectivo é facer Europa dende Galicia e…
Participa na manifestación na defensa da lingua celebrada en Compostela O candidato socialista ao Parlamento Europeo, Nicolás González Casares,…
O secretario xeral do PSdeG lembra que os socialistas adiantaron no Parlamento o 11 de abril un gran pacto polo…
Nicolás González Casares, Lorena Guerra e Elba Veleiro forman parte da candidatura de España nas eleccións europeas do próximo 9…
Denuncia a “escasa ou nula transparencia” por parte do goberno galego e alerta dun empeoramento no servizo O portavoz…
denuncia que o PP leva 13 anos tomándolle o pelo aos pontevedreses e pontevedresas mantendo bloqueada a actuación A…