Categorías: Actualidade

Carmen Dacosta acusa á Xunta de “darlle as costas” aos traballadores e traballadoras de Faurecia -Forvia- de Ourense

Lamenta o voto en contra do PP a unha proposta para reclamarlle á Xunta que se reúna co Comité de Empresa e fixe un Plan urxente de accións para garantir a viabilidade da planta e os postos de traballo

 

A portavoz de Emprego do Grupo Socialista, Carmen Rodríguez Dacosta, acusou hoxe á Xunta de “darlle as cosas” aos traballadores e traballadoras da factoría de Faurecia, que pertence ao grupo Forvia- no polígono e San Cibrao das Viñas. Así o dixo logo de que o PP rexeitara a proposición non de Lei que presentou na Comisión de Emprego do Parlamento para esixirlle ao goberno galego que faga valer as súas competencias e poña en marcha un Plan de actuacións dirixido a manter os postos de traballo na planta.

 

A responsable socialista lembrou que a Xunta ten amplas competencias en Industria e Emprego,  máis que suficientes para poñer en marcha un Plan de actuacións dirixidas a conseguir o mantemento dos postos de traballo da planta.

 

Urxiu ao goberno galego a manter un encontro co Comité de Empresa de Faurecia para escoitar aos traballadores e traballadoras e fixar a continuación unha estratexia dirixida a garantir a viabilidade da empresa e impedir novos despedimentos. Lembra que hai Ourense conta con máis de 2.000 postos de traballo que dependen directamente do sector da automoción, dos que 300 corresponden só a esta planta, que por iso é “o pulmón industrial de Ourense”.

 

Advertiu que “non poden deixar a 300 familias desamparadas” e instou ao goberno galego a posicionarse “a favor dos traballadores e traballadoras diante dun incerto futuro” marcado pola data límite do 2027, cando remata o compromiso de estabilidade da empresa.

 

Explicou que a empresa está a afrontar neste momento a redución de 27 postos de traballo pola falta de carga de traballo, logo de rematar hai dous anos a fabricación dos salpicaderos do Renault Megane, sen opción a un modelo suplente, e a continuación remataron tamén o proxecto M3 e M4. Neste momento están a producir os do Peugeot 2008, pero a liña de produción remata en 2027, cando se enfrontan a un problema grave.

 

Advertiulle ao PP e ao goberno galego que “aínda están a tempo de salvar ao resto da plantilla e ás súa familias”, así como a Ourense, que “precisa destes postos de emprego industriais”, polo que lles esixiu que “poñan a funda de traballo” e elaboren un Plan de acción en defensa dos postos de traballo do sector da automoción en Ourense.

Compartir
Publicado por
PSdeG-PSOE

Últimas novas

  • Secretaría Xeral

O PP rexeita a proposta de Besteiro para garantir por lei unha cita no médico de familia en 48 horas e blindar a pública fronte á privada

Besteiro: “Hoxe hai médicos en Galicia que atenden 50 persoas ao día. Catro minutos por…

08/07/2025
  • Actualidade
  • Secretaría Xeral

Besteiro contrapón a “dereita sen escrúpulos disfrazada de moderación de Rueda” ao modelo de “ética pública e compromiso con Galicia” do PSdeG

O secretario xeral das e dos socialistas galegos e voceiro do Grupo Parlamentario Socialista acusou…

07/07/2025
  • Actualidade

O Grupo Socialista denuncia a opacidade da Sociedade Impulsa e reclama unha estratexia contra a corrupción: “Advertímolo dende o primeiro día, algo cheiraba mal”

A deputada Patricia Iglesias avanza que van solicitar, un por un, todos os expedientes relacionados…

06/07/2025
  • Actualidade
  • Secretaría Xeral

Besteiro advirte que a dereita quere impugnar os avances dos últimos sete anos e chama a relanzar o proxecto de goberno coa igualdade no centro de acción política

O secretario xeral do PSdeG aposta por relanzar a acción de Goberno, tomar a iniciativa…

05/07/2025
  • Secretaría Xeral

Besteiro: “Este Comité Federal é unha oportunidade para reorganizarnos e reforzarnos como partido

O secretario xeral do PSdeG participa este sábado en Madrid no Comité Federal do PSOE,…

04/07/2025
  • Actualidade

O Grupo Socialista esixe dende o Parlamento a paralización inmediata do traslado do servizo de partos ao novo paritorio provisional do CHUO

Carmen R. Dacosta presenta unha batería de iniciativas parlamentarias para frear a decisión do Sergas…

04/07/2025