Besteiro afirma que “Galicia gaña moito” co principio de acordo entre o PSOE e os nacionalistas galegos e “precipita o fin de ciclo do Partido Popular”
O Grupo Socialista sinala que os informes do Consello de Contas sobre o Plan de Transporte e a xestión das autovías autonómicas son “unha emenda á totalidade” da Consellería de Infraestruturas e Mobilidade
02/11/2023
Besteiro pon en valor o acordo PSOE-BNG que permite “liberar a Galicia das peaxes que nos impuxo o PP”
03/11/2023
O único galego membro da comisión negociadora por parte do PSOE considera que “son tempos de acabar con todas as cargas inxustas que creou o PP”
Os socialistas volven abaratar a autopista a AP-9 como xa fixeran hai dous anos
O principio de acordo, xa que aínda quedan detalles que pechar, contempla medidas que garanten a igualdade de trato financeiro entre comunidades autónomas
Tras varias semanas de negociacións nas que Gómez Besteiro participou activamente coma deputado galego e membro da comisión negociadora do novo goberno, o candidato socialista á presidencia da Xunta afirmou que “Galicia gaña moito e sae reforzada co principio de acordo dos socialistas cos nacionalistas galegos”.
“Grazas aos socialistas hoxe os galegos e galegas temos unha rebaixa do 50% na autopista AP-9 nas viaxes de ida e volta. Fomos o único partido que votou a favor desta medida nos pasados Orzamentos. Pero, tal e como anunciei hai uns días en Santiago, seguimos avanzando cara a súa gratuidade pese as trabas que nos puxo o Partido Popular. O principio de acordo vai precisamente neste sentido: son temos de acabar con todas as inxustizas que creou o PP de Aznar, Feijóo e Rueda”.
Besteiro engadiu que “neste camiño cara a gratuidade non quixemos deixar fóra a autopista AP-53, que une Santiago e Ourense, para contribuír a desenvolver a Galicia interior, xa que a autovía que conecta Lugo-Santiago remata no 2024. Igual de importante é o plan integral para a modernización da rede ferroviaria de Galicia coa mirada posta na implantación do servizo de cercanías. No capítulo das infraestruturas, o noso compromiso é firme para impulsar o desenvolvemento do Corredor Atlántico, especialmente no eixo Ferrol-Coruña-Lugo”.
Pero o deputado galego quixo destacar outro fito: “Imos crear novos xulgados contra a violencia de xénero en Galicia”.
Todo isto dentro dun marco global que garante a igualdade de trato financeiro entre comunidades autónomas.
Por todo isto, e aínda que quedan detalles por pechar, “estou feliz e agradecido pola oportunidade que me deu o PSOE para pelexar pola miña terra e poñer a Galicia no lugar que merece”.
