A parlamentaria socialista Paloma Castro vén de presentar no Parlamento unha serie de iniciativa parlamentarias para pedirlle á Xunta que materialice unha nova licitación das obras do Hospital Gran Montecelo antes de que remate o 2020. A responsable socialista quere que a Xunta se dirixa á empresa encargada do proxecto para que modifique as cuestións fan inviable a execución das obras, segundo os construtores.
Castro lembra que tan só unha empresa se ten presentado ao concurso de licitación que a Xunta abriu este mesmo mes de abril, e que tivo que ser ampliado ata o 13 de xullo por petición dos construtores. Lembra que os propios representantes da Federación Galega de Construción e a Asociación de Construtores de Pontevedra lle teñen solicitado á Xunta que revisen o proxecto licitado, xa que “consideran que hai cuestións que fan inviable a execución das obras”.
A Xunta xustificara previamente a ausencia de concorrentes en que se trata dunha situación anómala e que é necesario reiniciar procedemento para garantir a viabilidade da actuación e asegurar que a ampliación do Hospital de Pontevedra se realizaría nos en prazo e sen incidencias.
A ampliación conta cun investimento de 114,6 millóns de euros para construír un novo edificio que duplicará a superficie do actual complexo sanitario de Pontevedra, “dotando á área sanitaria dun hospital único unha década despois de que o goberno da Xunta prometera dotar á cidade do Lérez dun equipamento deste tipo”.
Nicolás González Casares, Lorena Guerra e Elba Veleiro forman parte da candidatura de España nas eleccións europeas do próximo 9…
Denuncia a “escasa ou nula transparencia” por parte do goberno galego e alerta dun empeoramento no servizo O portavoz…
denuncia que o PP leva 13 anos tomándolle o pelo aos pontevedreses e pontevedresas mantendo bloqueada a actuación A…
Reclama un “cambio real” para evitar que se repita o colapso da Atención Primaria e Hospitalaria do pasado verán provocado…
Esíxelle á nova xerencia da área que reforce o persoal sanitario para garantir a asistencia sanitaria de calidade que merecen…
Reivindica axudas para garantir a supervivencia dun sector estratéxico para Galicia O portavoz de Pesca do Grupo Socialista, Julio…