O portavoz de Política Forestal do Grupo Socialista, Raúl Fernández, participou hoxe na xuntanza co conselleiro de Medio Rural cos representantes dos grupos parlamentarios, na que propuxo a Xosé Benito Reza como integrante do grupo de expertos que tratarán a reforma do servizo galego de Prevención e Defensa contra Incendios Forestais, en cumprimento do ditame da Comisión de Estudo do Parlamento de Galicia.
Ourensán de 62 anos, Reza foi director xeral de Conservación da Natureza durante o goberno presidido polo socialista Emilio Pérez Touriño, e actualmente desempeña o cargo de xefe de área do Servizo de Prevención e Defensa contra Incendios Forestais na provincia de Ourense, cargo que desempregou durante 17 campañas entre 1999 e 2005 e entre 2009 e 2018.
Enxeñeiro superior de Montes pola Universidade Politécnica de Madrid, tivo unha ampla traxectoria como xefe de sección do servizo de Montes e de Medio Ambiente Natural en Ourense entre 1981 e 1988, e xefe de do Servizo de Espazos Naturais Protexidos e de Conservación da Biodiversidade na Xunta de Galicia entre 1997 e 1999.