Luis Álvarez presentará no Debate do Estado da Autonomía unha “alternativa socialista de progreso” fronte ao proxecto “esgotado e de fin de ciclo” de Rueda e o PP
O PSdeG critica que o proxecto de Lei de cultura inclusiva exclúe ao colectivo LGTBI
06/10/2023
Luis Álvarez lamenta que Rueda “equivocouse en tódolos ámbitos” cun discurso centrado na crítica ao goberno central e trufado de anuncios “meramente cosméticos”
09/10/2023
Apunta que “os galegos e as galegas non quere un presidente que convide a cañas nin que vaia pintar a mona á TVG, senón que xestione e dea solución aos seus problemas”
O portavoz do Grupo Socialista, Luis Álvarez, anunciou que intervirá no Debate do Estado da Autonomía desta semana para presentar unha “alternativa de progreso” para Galicia fronte ao “proxecto esgotado e de fin de ciclo persoal” que representan Rueda e o PPdeG. Afeoulle a Rueda que faga do debate “o primeiro mitin dunha longa campaña electoral”.
Explicou que “os galegos e as galegas non queren un presidente da Xunta que convide a cañas nin que vaia pintar a mona á TVG” -parafraseando a expresión que empregou o propio Rueda antes de participar nun programa televisivo-, senón que “queren un presidente que xestione e dea solución aos seus problemas”. Advertiu que o presidente da Xunta da a Lexislatura “por esgotada” e demostra a súa “incapacidade para establecer un programa e un proxecto de país”.
Lamentou que esta “campaña de promoción persoal” do presidente da Xunta inclúa o intento de “subverter o Parlamento e convertelo nun plató para os seus actos de propaganda”, polo que o seu obxectivo será “poñer a Rueda fronte ao espello e facerlle ver as consecuencias do seu desleixo”.
Propostas de resolución
O responsable socialista adiantou que tanto a súa intervención do luns como as propostas de resolución que presentarán a continuación os socialistas galegos centraranse na defensa dos servizos públicos de calidade e o reforzo da actividade económica, o emprego estable e na recuperación da crise demográfica.
Anunciou un “proxecto alternativo” que aproveite ao máximo o autogoberno de Galicia para superar a situación de crise da Comunidade Autónoma logo de 14 anos de goberno do PP baixo a presidencia de Feijóo e Rueda. Contrastará a súa intervención pegada á realidade de Galicia cun PP e un Rueda que “confunden a función o Parlamento para empregalo como arma contra o goberno central”.
