Luis Álvarez critica a “ausencia absoluta” de goberno á fronte da Xunta: “Están máis preocupados por quen vai ser o sucesor de Feijóo que por atender os problemas de Galicia”
Pablo Arangüena reclámalle á Xunta que asuma as súas responsabilidades ante o “revolcón xudicial que lle deu o TSXG” coas sentenzas que anulan parte do trazado da Vía Ártabra
05/04/2022
Marina Ortega reclámalle ao Sergas que reforce o persoal do servizo de Medicina Interna do Hospital de Valdeorras
06/04/2022
Censura que “levan semanas, meses enteiros, sen ser quen de afrontar a situación de emerxencia” que vive a comunidade autónoma e agora as súas preocupacións “vense nos movementos do PP”
O voceiro parlamentario do PSdeG, Luís Álvarez, criticou hoxe, trala celebración do acto das Medallas do Parlamento de Galicia celebrado na propia Cámara galega, a “ausencia absoluta” de goberno á fronte da Xunta de Galicia.
“A preocupación que teñen neste momento na Xunta vese simplemente nos movementos do Partido Popular”, lamentou do dirixente socialista, quen sinalou que o presidente e os seus conselleiros “están máis preocupados por quen vai ser o sucesor de Feijóo que por atender os problemas de Galicia”.
Con todo, o responsable socialista destacou que “xa non é cuestión do que ocorreu esta fin de semana, que tamén porque non había ningún conselleiro de garda en Galicia, xa que estaba todo o goberno da Xunta no Congreso do PP en Sevilla”, senón que “o problema é que levan semanas, meses enteiros, sen ser quen de afrontar a situación de emerxencia que está a vivir a comunidade autónoma”, concluíu o socialista.
