Gonzalo Caballero destaca a importancia do movemento veciñal para conformar “unha grande alianza social” coa que dar “un cambio a Galicia”
A Xunta é incapaz de ofrecer información sobre seguridade e asistencia sanitaria a peregrinos coa que se comprometeron
08/11/2018
Proposta de mínimos contra o veto do PP na Comisión de Investigación da Sanidade
09/11/2018
Vigo, 8 de novembro de 2018. O secretario xeral do PSdeG, Gonzalo Caballero, protagonizou este xoves unha conferencia-debate organizada polo Foro Cívico de Vigo, na que destacou a importancia do movemento veciñal na tarefa de conformar “unha grande alianza social” que permita “dar a Galicia o cambio que necesita”.
Neste contexto, o líder dos socialistas galegos sinalou a relevancia de escoitar as “inquedanzas” dos cidadáns e das cidadás, coa idea de “non resignarse a ter un país cada vez máis cativo” e con menos opción de futuro.
“O proxecto de Feijóo xa está agónico”, remarcou Gonzalo Caballero, non sen antes apuntar que hoxe Galicia ten uns servizos públicos “de peor calidade”, uns sectores produtivos “máis débiles” e menos oportunidades de traballo, así como un emprego “de peor calidade”.
“Temos motivos para pedir aos galegos e ás galegas que se comprometan co noso proxecto”, engadiu o máximo dirixente do PSdeG, partidario de construír “unha Galicia distinta, de futuro”.
