Elena Espinosa: “Rueda pode dicir o que queira, pero hoxe en Galicia hai mulleres parindo sen auga quente”
Besteiro reivindica en Ferrol o carácter público de Navantia fronte á “ameaza” de privatización pola “axenda ultra” do PP
14/07/2025
O Grupo Socialista alerta de que a estratexia de Rueda do “non polo non” ameaza con deixar a Galicia sen voz no debate do modelo de financiamento
15/07/2025
A deputada lamentou que o Partido Popular rexeitase no Parlamento a proposta presentada polo secretario xeral do PSdeG, José Ramón Gómez Besteiro, para garantir por lei unha cita co médico de familia nun prazo máximo de 48 horas. “Non se trata dunha medida extraordinaria, senón dun compromiso básico coa atención primaria
Elena Espinosa denuncia que a Xunta está instalada no negacionismo mentres a sanidade pública se deteriora sen freo: “Nin o presidente nin o conselleiro asumen a súa responsabilidade nin toman medidas”
A portavoz de Sanidade do Grupo Socialista, Elena Espinosa, advertiu este luns da grave situación que atravesa a sanidade pública galega durante os meses de verán e denunciou a inacción do Goberno de Alfonso Rueda fronte a unha realidade “insostible” para profesionais e pacientes.
“Rueda pode dicir o que queira, pero hoxe en Galicia hai mulleres parindo sen auga quente”, sinalou Espinosa, en referencia ao traslado do servizo de partos no hospital de Ourense a un espazo provisional sen as mínimas condicións hixiénico-sanitarias, sen privacidade, equipamento axeitado nin duchas para as mulleres atendidas.
A deputada lamentou que o Partido Popular rexeitase no Parlamento a proposta presentada polo secretario xeral do PSdeG, José Ramón Gómez Besteiro, para garantir por lei unha cita co médico de familia nun prazo máximo de 48 horas. “Non se trata dunha medida extraordinaria, senón dun compromiso básico coa atención primaria que o PP rexeita sistematicamente”, advertiu.
Espinosa asegurou que a situación é crítica en numerosos puntos do país: no centro de saúde Pintor Colmeiro, en Vigo, non hai médicos polas tardes e as citas derivan directamente ao PAC; no Salnés, os centros funcionan ao límite, sen pediatras nin reforzos de persoal, cunha ambulancia medicalizada compartida como cada verán; en Cervo, só permanece unha médica con horario reducido; e no Barbanza, a presión asistencial increméntase mentres o número de profesionais diminúe.
“Estes son só algúns exemplos do que pasa cada día en moitos centros de saúde de Galicia. A Xunta está instalada no negacionismo mentres a sanidade pública se deteriora sen freo. Nin o presidente nin o conselleiro asumen a súa responsabilidade nin toman medidas”, concluíu Espinosa, advertindo de que “a sanidade non se defende con discursos, senón con feitos, con persoal, con planificación e con recursos públicos”.
