Gonzalo Caballero chama a facer “unha fronte común” ante a “chantaxe” de Alcoa: “Hai que rexeitar o ERE e impedir que paren as cubas”
O PP négase a implantar a vacina antirrábica obrigatoria en cans, gatos e furóns
09/10/2020
O PP négase a ampliar o número de Puntos de Encontro Familiar de Galicia e adaptalos á pandemia
09/10/2020
O líder do PSdeG advirte que o ERE “non ten validez” trala constatación de que a multinacional “actuou de mala fe” e insta a “intervir para imposibilitar o peche” da planta de San Cibrao
O secretario xeral do PSdeG, Gonzalo Caballero, chamou hoxe á Xunta e ao Goberno de España a facer “unha fronte común” ante a “chantaxe” de Alcoa ao anunciar a aplicación do despido colectivo.
A Xunta, como recordou Gonzalo Caballero, é a autoridade laboral, e correspóndelle agora “rexeitar o ERE” presentado pola multinacional tras constatar que “actuou de mala fe” segundo a lexislación mercantil.
“Hai que manter a actividade das cubas”, recalcou o líder do PSdeG ante a decisión de Alcoa de paralizar a produción en San Cibrao no canto de formalizar a venda da planta ao inversor atopado polo goberno de España, o grupo Liberty House.
Neste escenario, Gonzalo Caballero incidiu en que “hai que intervir para imposibilitar o peche” de Alcoa San Cibrao, consciente de que se trata dunha factoría “fundamental” para o emprego na Mariña de Lugo.
