Gonzalo Caballero avanza “unha campaña de proximidade” para mobilizar á cidadanía que non quere “o regreso ao pasado” que encarna Aznar
O PP garante o monopolio de Telefónica – Movistar coa conexión a Internet no Concello de Baralla
03/04/2019
“Cinismo insoportable” do PP, que rexeita no Congreso os Orzamentos que pide Feijóo para a Sanidade
04/04/2019
O secretario xeral presenta as listas de Ourense e Lugo, uns equipos “magníficos” para “seguir na senda de avances” impulsado polo PSOE de Pedro Sánchez
Ourense/Lugo, 3 de abril de 2019. O secretario xeral do PSdeG, Gonzalo Caballero, presentou este mércores en Ourense e Lugo as candidaturas socialistas ás eleccións xerais do vindeiro 28 de abril. Son, como dixo, uns equipos “magníficos” que contribuirán a aumentar o respaldo ao PSOE que lidera Pedro Sánchez.
En declaracións aos medios, o líder do PSdeG sinalou que a campaña servirá para plantexar á cidadanía que o 28 de abril decidirase entre “dous modelos”.
Por unha banda, explicou, está “o da dereita que virou á ultradereita” e que, “con tres papeletas que supoñen un regreso ao pasado, teñen como ideólogo a referente a José María Aznar”. Pola outra, proseguiu, está o proxecto “de avance e progreso social” que defende Pedro Sánchez.
Por iso, Gonzalo Caballero concluíu que “o PSOE é o voto útil” para “seguir na senda de avances” impulsado polo goberno socialista nestes dez meses, e que permitiu universalizar a sanidade pública e subir as pensións, o salario mínimo interprofesional e o soldo dos empregados públicos.
Esta tarefa, continuou o máximo dirixente dos socialistas galegos, “énchenos de orgullo” e require o compromiso de todos aqueles cidadáns que “non queremos á dereita e á ultradereita” á fronte das institucións.
CANDIDATURAS DE OURENSE E LUGO
No caso de Ourense, Gonzalo Caballero estivo esta mañá presentando as listas en compañía do secretario provincial do PSOE, Rafael Rodríguez Villarino.
Dende alí, destacou que o equipo que encabeza Marina Ortega ao Congreso e Juan Carlos Francisco Rivera ao Senado amosa que “temos capacidade para impulsar o goberno socialista” tamén dende esta provincia, onde se prevé unha mellora no número de apoios ao PSOE.
Xa á tarde, en Lugo, o secretario xeral presentou unha lista “competente, preparada e comprometida” que “representa á pluralidade da provincia” ao conxugar perfís urbanos e rurais, así como persoas mozas con outras con maior experiencia”.
En concreto, a candidatura ao Congreso pola provincia de Lugo conta no número un con Ana Prieto e, ao Senado, con César Mogo.
Todo iso, coa referencia das “políticas de progreso” que en Lugo están poñendo en marcha tanto Lara Méndez dende a alcaldía da capital de provincia como Darío Campos dende a Deputación, presentes na foto de familia ao igual que o secretario provincial, Álvaro Santos.
Ademais, o líder do PSdeG aproveitou para avanzar a próxima visita de Pedro Sánchez a Vigo durante a campaña, así como a presenza de distintos dirixentes do partido a nivel federal e ministros do goberno de España.
