Categorías: Actualidade

Martín Seco esíxelle á Xunta que garanta o emprego nas fábricas de Xeal en Cee e Dumbría

O portavoz de Industria do Grupo Socialista, Martín Seco, esixiulle á Xunta que garanta o emprego nas fábricas de Xeal –antiga Ferroatlántica- en Cee e Dumbría. O responsable socialista presentou unha proposición non de Lei neste sentido no Pleno do Parlamento celebrado hoxe, que sen embargo foi rexeitada polo PP.

O responsable socialista sinalou que “a Xunta de Galicia non pode seguir mirando para outro lado e debe garantir o mantemento dos postos de traballo e a actividade das ferroaleacións, segundo o establecido nos fundamentos xurídicos da sentenza do TSXG de novembro de 2020”. Apunta que o goberno galego está obrigado a fixar uns criterios mínimos de cumprimento da condición da non segregación das actividades, que segundo a sentenza foi establecido para asegurar o emprego.

Seco reclámalle ao vicepresidente económico do goberno galego que cumpra coo seu compromiso de clarificar as cláusulas da concesión para que Xeal poida acatar a dita sentenza, tal e como se comprometeu nun encontro cos alcaldes da comarca no pasado mes de febreiro. Lembra que o conselleiro Conde “comprometeuse a estudar xuridicamente o caso para definir os parámetros a seguir para o mantemento da actividade e dos postos de taballo”.

Apuntou que “non lles vale o argumentario para culpabilizar ao Estado da situación de Xeal, xa que neste caso, aínda que o prezo elevado do consumo eléctrico penaliza á produción de ferroaleacións, tamén prima a parte da empresa que se beneficia pola xeración de enerxía”.

Martín Seco reclama garantías para a continuidade dos postos de traballo logo de que a empresa activara un ERTE no mes de febreiro de 2019 como consecuencia da pandemia, que sen embargo vén de ser declarado ilegal e xa finalizou en febreiro. A realidade, dixo, foi que no ano 2020 as plantas de Cee e Dumbría estiveron ao 10 por cento da capacidade de produción, con 2 dos 5 fornos en marcha, ata que a finais do ano pasado se activara un terceiro.

Dende 2019 perdéronse máis de 100 postos de traballo entre persoal eventual e industria auxiliar, e a nova da dirección da empresa está a quitarlle traballo a empresas da comarca, mentres llelo concede a empresas foráneas. Apunta que ultimamente teñen levado a cabo un despido dun traballador de administración, denunciado pola unanimidade do Comité de Empresa, que comezou unha axenda de mobilizacións para reclamar a súa readmisión.

Opacidade

Martín Seco reclámalle tamén ao goberno galego que informe das condicións da venda da empresa, así como a situación industrial das plantas e o Plan de viabilidade presentado por Xeal, que aínda non foron feitos públicos. Sinala que a día de hoxe “descoñecemos o acordo entre os novos propietarios e o grupo vendedor”, pero si que “sabemos que Ferroglobe se converteu no único receptor da produción, ao tempo que se comprometía a subministrar materias primas clave”.

O responsable socialista sinala a importancia de “saber cal é este acordo, que cremos que a Xunta de Galicia coñece pero oculta, para saber se Xeal é libre para poder ter un proxecto industrial ou se simplemente aporta man de obra barata para Ferroglobe, que semella que é o que realmente sucede”.

Compartir
Publicado por
PSdeG

Últimas novas

Besteiro compromete unha oposición “firme e construtiva” afastada da “pouco edificante” estratexia “destrutiva” do PP en Madrid

O portavoz do grupo Socialista apunta que a Xunta “terá que informar” sobre a viabilidade ambiental e económica do proxecto…

25/03/2024 13:40

Besteiro desafía a Rueda a apoiar os Orzamentos no Estado e subliña que Galicia recibirá unha transferencia histórica de máis de 10.000 millóns de euros

Presenta o máximo de avais como candidato á secretaría xeral do PSdeG no último trámite antes da súa proclamación definitiva…

22/03/2024 13:33

Os socialistas galegos apoian na eurocámara o novo Regulamento que reforza a prevención e loita contra os vertidos de pélets plásticos

Nicolás González Casares sinala que o informe ratificado pola Comisión de Medio Ambiente obriga a adoptar medidas para previr, conter…

19/03/2024 15:25

Besteiro compromete unha oposición “con ambición de país” que dea “voz a tódalas galegas e galegos en deixar a ninguén atraś”

O responsable do Grupo Socialista sinala que a presenza de Patricia Iglesias como vicesecretaria da Mesa representa a pluralidade da…

18/03/2024 13:47

José Ramón Gómez Besteiro é o único candidato á Secretaría Xeral do PSdeG

Rematado o prazo previsto para  presentación de candidaturas, comeza o proceso de recollida de avais, que se prolongará ata o…

14/03/2024 15:12

A Executiva do PSdeG aproba o calendario de primarias e o Congreso Extraordinario

Este luns ábrese o proceso de presentación de precandidaturas ás primarias para secretario xeral do PSdeG   A xornada de…

09/03/2024 11:49