A Xunta négase a executar o seu propio orzamento para a prevención do abandono escolar

A Xunta négase a executar  o seu propio orzamento para a prevención do abandono escolar

A Xunta négase a executar o seu propio orzamento para a prevención do abandono escolar

Luis Álvarez denuncia que o Goberno empregue o programa de abandono escolar como “partida comodín” para “desviar fondos a gastos rutineiros”

O portavoz de educación socialista, Luis Álvarez, denunciou hoxe ante o pleno que a Xunta emprega o orzamento destinado a educación e para combater o abandono escolar “como partida colchón para desviar fondos a gastos rutineiros”. Así o dixo durante o debate dunha moción en Pleno para reclamar a execución do orzamento par a prevención do abandono, que foi vetada polo PP.

 

O responsable socialista reivindicou que o Goberno debería executar a totalidade do orzamento disposto no programa 423B Prevención de abandono escolar en lugar de deixar eses fondos para “desvialos a outras partidas”.

 

Álvarez cuestionou que o goberno galego “prescindira de 6,5 millóns de euros porque segundo vostedes non hai necesidades” nun contexto de falla de profesorado e numerosos alumnos que requiren de atención específica “sen atender”.

 

Explicou que en 2017 orzamentaran orixinalmente 19,7 millóns de euros desta partida, dos que ao longo do ano detraeron 6,5 a través dunha modificación orzamentaria que diminuíu este programa nun 32%. Sinalou tamén o chamativo de que para este ano 2018 case duplican o seu orzamento para incrementalo ata os 24 millóns de euros.

 

O parlamentario socialista puxo de manifesto, do mesmo xeito, que “isto pódese explicar porque a Consellería pretende empregalo para facer publicidade, en lugar de política efectiva”.

Sgonzalez

Artigos relacionados

Deixar a resposta

Pechar