Soneira esixe a comparecencia de Quintana para que explique “como paga o PP os favores a empresas acuicolas”

Soneira esixe a comparecencia de Quintana para que explique “como paga o PP os favores a empresas acuicolas”

Soneira esixe a comparecencia de Quintana para que explique “como paga o PP os favores a empresas acuicolas”

A portavoz de Pesca do Grupo Parlamentario dos Socialistas de Galicia, Marisol Soneira anunciou en rolda de prensa, que rexistrou diversas iniciativas parlamentarias nas que reclama que se tramita a comparecencia en Pleno da Conselleira do Mar para que dea conta do acordo da Xunta polo que se declara de interese publico de primeira orde a acuicultura de Galicia. Soneira replica que esta decisión pretende saltarse a Directiva Hábitat, e denuncia que pretende “pagar determinados favores políticos a Pescanova”. Neste punto citou a participación dun Director Xeral desta empresa no mitin de fin de campaña nas pasadas eleccións municipais do Partido Popular en Muxía, no que pediu o voto para esta formación política.

Afirma que a Xunta renuncia a utilizar ubicacións que non teñen ningún tipo de protección, e que mesmo están destinados a esta finalidade nos planeamentos municipais, para pagar favores políticos.

E insistiu nas súas criticas “algunhas empresas teñen en nómina a algúns gobernos, e neste caso se apoian mutuamente”, espetou. Por iso subliñou dende o PSdeG “non cuestionamos a utilidade publica da acuicultura de Galicia senón a finalidade coa que se fai”.

Sobre a decisión da Xunta de vender aos dous helicópteros de salvamento anunciou que rexistrou unha interpelación, unha pregunta en pleno e outra comisión para reclamar explicacións por este asunto.

Na súa intervención lembrou que os dous helicópteros foron adquiridos pola Xunta de Galicia cando Enrique López Veiga era Conselleiro e foron pagados polo sistema de leasing na pasada lexislatura, e están valorados nuns 30 millóns de euros, coa única finalidade de ser de titularidade publica. Ademais sinala que “sempre se considerou que os medios de salvamento deberan ser propiedade da administración”.

Regalar os dous helicópteros

Dixo que as explicacións verquidas pola Xunta nas que aseguran que co aluguer destas naves vanse aforrar 2.700.000 euros/anuais, replica que vamos a pagar menos pero vamos a regalar os helicópteros a esta empresa. Asegura que con esta decisión “non se aforra, hai perda de patrimonio e hai precarización nun servicio vital para Galicia e enteiramente publico”.

Seguro de Accidentes para que actúe de xeito inmediato

E por último tamén anunciou que rexistrou unha proposición no Parlamento para reclamar á Xunta subscribir un Seguro Colectivo de Accidentes para todos os galegos e galegas que desempeñen a súa actividade na pesca, no marisqueo ou en accións de rescate de accidentados no mar. Ademais puntualiza que o seguro debera ter as seguintes coberturas: falecemento, invalidez parcial, total, absoluta e gran invalidez.

Reclama tamén axudas para escolarización e estudos dos orfos, gastos de traslado de familiares, repatriación e enterro dos falecidos no exterior. Solicita as mesmas garantías para accidentes “en itínere”, e que os desaparecidos teñan a consideración de falecidos nun período non superior a tres meses, e tamén a adaptación do fogar no caso de que o accidentado se vise obrigado a utilizar unha cadeira de rodas como consecuencia do accidente.

Dende o PSdeG-PSOE reclamamos a Xunta novamente a que reintroduza o seguro colectivo de accidentes, nas mesmas ou similares condicións que considere adecuadas para que de xeito inmediato se preste atención ás familias en caso de accidentes

32641281A

Artigos relacionados

Deixar a resposta

Pechar