Seara: "O PP vira as costas ás persoas afectadas pola enfermidade da pel de bolboreta"

Seara: "O PP vira as costas ás persoas afectadas pola enfermidade da pel de bolboreta"

Seara: "O PP vira as costas ás persoas afectadas pola enfermidade da pel de bolboreta"

O PP impediu a aprobación dunha Proposición non de Lei do PSOE para apoiar os enfermos afectados pola doenza de "pel de bolboreta", que si contou co respaldo do resto de grupos

A voceira socialista de minusvalidez e deputada galega destaca que os produtos de cura supoñen para estes pacientes un gasto mensual "insostible para as familias" de entre 200 e 2000 euros

Considera "un insulto aos afectados" o discurso realizado polo PP

A voceira socialista en materia de minusvalidez Laura Seara considera "deleznable" a postura adoptada polo PP no debate dunha Proposición non de Lei do PSOE en apoio ás persoas con epidermólisis bullosa e as súas familias, máis coñecida como a enfermidade de "a pel de bolboreta".

Para Seara "é un insulto a estes enfermos e ás súas familias que o PP lles negue o apoio do Goberno aducindo razóns económicas e presumindo de que estes enfermos en España teñen maior cobertura que os de Europa". "E peor aínda -considera- é que a voceira do PP se atrevese a pedir paciencia aos afectados alegando que os recortes terán os seus froitos". "Non" serán "estes enfermos que vexan eses supostos froitos; é vergonzoso" -incide Seara.

A Proposición non de Lei do PSOE -apoiada por todos os grupos parlamentarios a excepción do PP- instaba ao Goberno a "recoñecer a gratuidade no acceso ao material de cura e os produtos dietéticos necesarios para o tratamento da epidermólisis bullosa" e "a designar o Hospital da Paz como Centro de Referencia en epidermólisis bullosa contando para iso co apoio necesario na dotación de recursos".

Así mesmo, Seara sinala que a iniciativa socialista instaba o Executivo a "incluír esta enfermidade no listado de enfermidades comprendidas na Lei para permitir o cobramento dunha prestación económica por coidado de menores afectados por cancro ou outra enfermidade grave" e a "derrogar as modificacións realizadas na Lei de Dependencia que supuxeron un retroceso nos dereitos das persoas en situación de dependencia".

A voceira socialista realizou un recoñecemento ao labor da Asociación Debra e destacou na súa intervención "as difíciles condicións diarias que sofren os afectados por esta enfermidade", así como a necesidade de "escoitar as súas reivindicacións e ofrecerlles solucións".

Así, sinalou que "esta enfermidade require unhas complicadas curas diarias con material específico" e que, "non obstante, o custo de cura para estes pacientes -que non está cuberto pola seguridade social- supón un gasto mensual de entre 200 e 2000 euros". "Un gasto insostible para calquera familia" -sostivo.

Ademais, apuntou que "os recortes sanitarios con peches de centros de saúde, onde os enfermos acoden a realizarse as curas, afectan gravemente a estas persoas e ás súas familias". Do mesmo modo, indicou que "os recortes na Lei de Dependencia están a provocar un gran prexuízo aos familiares destes enfermos, que estaban recoñecidos como coidadores familiares e tiñan dereito a prestación e grazas ao Goberno do PP perderon ese dereito".

"O PSOE pretendía con esta iniciativa -explicou- dar unha resposta efectiva a un colectivo de afectados por unha patoloxía esquecida polas administracións públicas". Lamentablemente -reprobou- o PP virou hoxe as costas a este colectivo; pero o peor é que o fixo con incomprensión e desprezo".

32641281A

Artigos relacionados

Deixar a resposta

Pechar