Rivera reclama unha nova lei en materia de protección dos consumidores galegos

Rivera reclama unha nova lei en materia de protección dos consumidores galegos

Rivera reclama unha nova lei en materia de protección dos consumidores galegos

O portavoz de Consumo do Grupo Socialista Juan Carlos Francisco Rivera anunciou que rexistrou unha pregunta no Parlamento para coñecer os acordos da Consellería de Industria e a Fiscalía para investigar as cláusulas abusivas que afectan aos consumidores galegos.

O deputado lembra na iniciativa rexistrada que dende o Grupo Parlamentario Socialista reclamamos en diversas ocasións unha nova lei en materia de protección dos consumidores e usuarios galegos. Rivera solicita que esta normativa supere que, por unha banda, o actual marco normativo (Estatuto Galego do Consumidor e Usuario - Lei 12/1984 de 28 de decembro), xa que é insuficiente para abordar as novas controversias xurdidas no marco das relacións de consumo, e por outra banda, que garanta os dereitos dos consumidores diante dos abusos que están a ser perpetrados por determinados actores económicos, entre outros, polos sectores ligados as telecomunicacións e a prestación de servizos bancarios.

O parlamentario socialista dixo que a indefensión que están a sufrir os galegos e galegas diante das cláusulas abusivas da contratación impostas polas multinacionais de telefonía, polas entidades financeiras, polas empresas eléctricas etc., abusos que se traducen na esixencia de comisións e xuros abusivos e inxustificados, esixe unha resposta contundente da Administración pública.

Así as cousas o deputado solicita unha regulación normativa moito máis agresiva na protección dos dereitos dos consumidores e, en segundo lugar mellorando os instrumentos de inspección diante das irregularidades e abusos cometidos por determinado tipo de conglomerados empresariais que non só dubidan en publicitar enganosamente a oferta de servizos senón que mesmamente mudan de xeito unilateral e claramente lesivo as cláusulas previamente pactadas.

O portavoz de Consumo dixo que a Administración pública debe solicitar o auxilio da Fiscalía cara a investigar as cláusulas abusivas e lesivas que claramente se están a impoñer nas relacións de consumo e que tanto dano están a facer os usuarios. Lembra ademais que no pasado mes de xaneiro o conselleiro de Economía e Industria anunciaba a través dos medios de comunicacións o establecemento de acordos coa Fiscalía cara erradicar os abusos contractuais impostos os consumidores e usuarios.

32641281A

Artigos relacionados

Deixar a resposta

Pechar