OS SOCIALISTAS ESIXEN A “COMPARECENCIA URXENTE” DE FEIJÓO E O CESE DOS ALTOS CARGOS DA XUNTA ACUSADOS POLA FISCALÍA DE HOMICIDIO POR RETRASAR FÁRMACOS PARA A HEPATITE C

OS SOCIALISTAS ESIXEN A “COMPARECENCIA URXENTE” DE FEIJÓO E O CESE DOS ALTOS CARGOS DA XUNTA ACUSADOS POLA FISCALÍA DE HOMICIDIO POR RETRASAR FÁRMACOS PARA A HEPATITE C

OS SOCIALISTAS ESIXEN A “COMPARECENCIA URXENTE” DE FEIJÓO E O CESE DOS ALTOS CARGOS DA XUNTA ACUSADOS POLA FISCALÍA DE HOMICIDIO POR RETRASAR FÁRMACOS PARA A HEPATITE C

Os socialistas galegos esixiron a comparecencia urxente no Parlamento do presidente da Xunta, Alberto Núñez Feijóo, e o cese dos dous altos cargos de Sanidade denunciados pola Fiscalia por homicidio ao retrasar a enfermos graves os fármacos para a hepatite C por razóns orzamentarias.

“É un feito moi grave e sen precedentes”, asegurou en rolda de prensa a presidenta da xestora do PSdeG, Pilar Cancela, que compareceu xunto ao coordinador da sectorial de Sanidade dos socialistas galegos, Paco Reyes, e a portavoz de Sanidade no parlamento, Carmen Acuña.

“A Fiscalía acusa ao goberno da Xunta de homicio imprudente, falamos presuntamente dunha causa penal e de que o PP púxolle prezo á vida da xente”, manifestou Cancela, que considera que “Feijóo ten fama de bo xestor e presume das cifras de déficit mentres a xente morre”.

“Temos que esixir responsabilidades, é a obriga da oposición, seis persoas perderon a vida e un goberno responsable e con alma ten que atender aos colectivos necesitados”, dixo Cancela, que engadiu que o PSOE xa demandou en Madrid que “estes tratamentos non conten como déficit, a prestación dos servizos públicos ten que ser prioritaria”.

Pola súa parte, Reyes afirmou que “o goberno galego estaba avisado” e falou dunha sentenza do TSXG do ano 2013 que recolle que “a administración sanitaria non pode prescindir do criterio médico”. “A xustiza di que recurrir ao aforro neste caso pode ser unha desviación de poder, estamos ante un exemplo de que os recurtes matan”, explicou.

A portavoz de Sanidade no Parlamento, Carmen Acuña, lamentou “a amargura que un sente cando sabe que tiña razón, a Xunta non atendeu o protocolo e votou en contra na Cámara de varias iniciativas para demandar o tratamento, mentres gasta os cartos en privatizar a sanidade”.

Mercedes Cernadas

Artigos relacionados

Deixar a resposta

Pechar