O PSDEG CRITICA QUE A XUNTA CONSIDERE A PATRONAL GALEGA “UNHA FERRAMENTA DE CONTROL POLÍTICO AO SERVIZO DO PP” E ESIXE INFORMES “SOBRE O DESENVOLMENTO DO PLAN PEXGA”

O PSDEG CRITICA QUE A XUNTA CONSIDERE A PATRONAL GALEGA “UNHA FERRAMENTA DE CONTROL POLÍTICO AO SERVIZO DO PP” E ESIXE INFORMES “SOBRE O DESENVOLMENTO DO PLAN PEXGA”

O PSDEG CRITICA QUE A XUNTA CONSIDERE A PATRONAL GALEGA “UNHA FERRAMENTA DE CONTROL POLÍTICO AO SERVIZO DO PP” E ESIXE INFORMES “SOBRE O DESENVOLMENTO DO PLAN PEXGA”

Os socialistas galegos criticaron hoxe no pleno do Parlamento que a Xunta considere a patronal galega “unha ferramenta de control político ao servizo so PP” e esixiron informes “sobre o desenvolvemento do plan Pexga”.

Nunha pregunta oral ao conselleiro de Industria, Francisco Conde, o portavoz de Industria do PSdeG, Abel Losada, lamentou “a inxerencia do goberno de Feijóo sobre a CEG, aínda que agora non queran reunirse co novo presidente, xa que non era o seu candidato”.

“Vostede, Feijóo e Rueda fixeron chamadas antes das eleccións na patronal galega e de Pontevedra para intentar influenciar no voto dos empresarios”, afirmou Losada, que engadiu que “externalizan ás grandes consultoras ou a CEG os servizos que facía o Igape”.

“No ano 2010, asinouse un convenio entre o IGAPE e a CEG, polo que, en termos prácticos, a xestión e desenvolvemento da rede exterior de apoio empresarial da Xunta foi cedida á Confederación de Empresarios de Galicia, cunha subvención de 18 millóns de euros en catro anos, que daría lugar ao chamado Plan Pexga”, apuntou o deputado socialista.

“Dende o principio, téñense producido diferenzas entre ambos organismos, que concluíron con que algunhas das antigas oficinas do instituto continúen alugadas, que os bolseiros nomeados foran adscritos ás oficinas comerciais das embaixadas, ou as cámaras de comercio, ou ficaran sen destino; ao final, estamos ante una perda ou mal uso dos recursos públicos”, aseverou Losada, que denunciou “a paralización do Pexga e a nula información que a Xunta aporta sobre este tema”.

Por último, o portavoz socialista pediu “os informes realizados dos convenios de colaboración entre a Xunta e a patronal, as follas de liquidación de gastos, as copias dos contratos de traballo realizados ou os informes da asesoría xurídica sobre estos convenios”.

Mercedes Cernadas

Artigos relacionados

Deixar a resposta

Pechar