Santiago de Compostela, 27 de xullo de 10. A portavoz de Facenda e Orzamentos do Grupo Parlamentario dos Socialistas de Galicia, María José Caride, denunciou hoxe en rolda de prensa as “incoherencias da política fiscal e financeira do Goberno de Núñez Feijoo”, no día en que se reúne o Consello de Política Fiscal e Financeira (CPFF). Ademais esixiulle ao Presidente da Xunta que presente no Parlamento ás forzas políticas da Cámara un programa para dinamizar a economía galega e saír da crise. Advirte que a política de Feijóo é “incoherente”, e afirma que “esta circunstancia debilita o argumento no que se apoia a petición de aprazar a devolución dos 2.584 millóns de euros”, recibidos pola comunidade por anticipos.
A responsable socialista reclamoulle a Feijoo que abandone a súa estratexia “mediática” para reducir os impostos a quen "máis ten”. E insistiu na creación da Comisión , solicitada a semana pasada polo Secretario Xeral Manuel Pachi Vázquez, para o mantemento do benestar e da garantía dos servizos públicos na nosa Comunidade.
Caride aludiu na súa intervención a un “decálogo de incongruencias do Goberno da Xunta”. Así puxo de manifesto que mentres o PP nacional non apoiou o teito financeiro para orzamento do Goberno de España 2011 aludindo “a que o recorte lle parecía escaso”. Asegura que Feijoo pola súa banda “crítica a reducción de ingresos a Galicia, e ameaza con declararse insubmiso nas súas obrigas de pago”, espetou. Neste punto a deputada preguntase que esta propoñendo o Presidente Feijoo. E insistiu “que quere que reduza o Goberno de Zapatero?, si xa lle parecía pouco ao seu Partido?. E proseguiu “que quere que baixe as pensións, que reduza as axudas as persoas que quedaron sen subsidio de desemprego?, que reduza o programa de investimentos?.
A responsable socialista tamén fixo referencia ao modelo de financiamento. E lembrou que “co novo plan asinado fai seis meses, o prazo para a devolución destes anticipos xa se elevou de 24 meses a 60 meses”. Por iso acusou Feijóo de querer “cambiar as regras de xogo a metade do partido”. Subliñou que a súa folla ruta económica caracterizouse pola “maquillaxe, a demagoxia e o desgaste ao Goberno de Zapatero”, explicou.
Gasto irracional
Sobre o peche do exercicio orzamentario replica que se Núñez Feijóo puido pechar no ano 2009 cun déficit do 1 % “foi gracias aos 1.900 millóns de euros recibidos de máis do Estado”, e por riba, “Feijoo di que se gastaron irracionalmente”. E proseguiu “pois que diga en que os gastou irracionalmente”. Xa que afirma que “dous terzos do orzamento de 2009 xestionounos o seu goberno”.
Fixo referencia ademais a que o Partido Popular crítica o Real Decreto para o control do déficit pero, a Xunta foi “máis alá neste asunto”, xa que sinala “estendeuno a tódolos contratos con base salarial que tiña a Administración autonómica”. Ademais denunciou que “se nega aos grupos da oposición información sobre o aforro que supón para as arcas autonómicas esta aplicación do decreto” que segundo as contas do PSdeG-PSOE, “son moito máis de 200 millóns de euros”, dos que dispoñerá a Xunta para gastar en virtude do aforro pola implantación desa normativa, e calculando sobre as bases salariais que acadan os 3.000 millóns de euros. Esixe que esta contía se destine a gasto social.
A Xunta malgasta na Autovía Carballo-Berdoias e no Hospital de Vigo
Por iso Caride criticou, unha vez máis, “que Feijóo proclame austeridade que despois só aplica cos galegos”, e “mentres que a Xunta gasta 350 millóns máis na autovía Carballo Carballo-Berdoias, ou 500 millóns na construcción do hospital de Vigo”.
Por outra banda tamén criticou a “ausencia de proxectos de financiamento específico”, como aseguraba Núñez Feijóo nos orzamentos”. A maiores denunciou a “paralización das infraestructuras en Galicia pola vía dos feitos”, xa que di que na nosa Comunidade “hai obras paralizadas e ninguén explicou por que nin ata cando”, resumiu.
