Santiago de Compostela, 03 de febreiro de 10. A parlamentaria socialista Carmen Acuña esixen á Xunta que asuma “dunha vez” o compromiso de sufragar os custos de mantemento dos centros de saúde municipais, tal e como establece o Pacto Local de Galicia. Acuña reclama que o Executivo autonómico comece a cumprir o acordo no primeiro semestre de 2010 nos concellos que xa teñen cedidos os seus centros ao Sergas.

A parlamentaria socialista anunciou que presentará unha iniciativa parlamentaria na que reclama a priorización “en primeiro lugar os concellos onde o centro de saúde acolle ademais un Punto de Atención Continuada”. A continuación solicita que sexan priorizados os concellos máis pequenos e, finalmente, que no segundo semestre deste ano sexa definido un novo convenio entre o Executivo e a Fegamp que permita a asunción por Sanidade dos centros de saúde do resto dos concellos.

Lembrou que o Pacto Local, asinado en xaneiro de 2006 entre o Executivo autonómico e a Fegamp, regulaba e desenvolvía o Pacto Local incluíndo, no apartado de sanidade, que a Consellería asumiría os custos de mantemento dos centros de saúde galegos actualmente a cargo dos concellos.

Sinalou que, si ben este acordo determinaba que o proceso de cambio da xestión comezaría en 2009 e priorizando os concellos máis pequenos, a día de hoxe “o cumprimento deste pacto só ten chegado a 15 concellos en toda Galicia, a maioría dos cales corresponde ao PP”. A parlamentaria socialista ve necesaria esta iniciativa por canto a día de hoxe “descoñecemos cómo se están a priorizar as solicitudes nin qué datas se están a barallar para concluír co compromiso acadado para que chegue a tódolos concellos que o solicitaron.