Gonzalo Caballero pide aos galegos que “non se resignen a crer que a Galicia do PP e a única posible” e reivindica que o PSdeG está “cargando as pilas” para lograr “o cambio” que se precisa
Gonzalo Caballero sinala que a subida do paro constata a “oportunidade perdida” pola Xunta de trasladar a recuperación económica á cidadanía
02/02/2018
Gonzalo Caballero reclama a Feijóo “tomar nota da mensaxe da rúa” e “rectificar” o seu “fracaso” sanitario
04/02/2018
O secretario xeral do PSdeG acusa á dereita de “pensar só nas grandes contas” e “olvidarse da cidadanía” e compromete un novo tempo político con “dignidade, ilusión e exemplaridade”
Oroso, 3 de febreiro de 2018. O secretario xeral do PSdeG, Gonzalo Caballero, interveu hoxe na clausura da asamblea dos socialistas de Oroso para apelar aos militantes e simpatizantes presentes a “traballar todos xuntos” para lograr “o cambio” que tanto España como Galicia precisan.
Tanto ás xeracións máis novas como aos maiores dirixiuse o líder dos socialistas galegos para pedirlles que “non se resignen a crer que a Galicia do PP é a única posible”, senón que é momento de recuperar as conquistas sociais que puxeron en marcha os gobernos progresistas.
Cunha mención aos executivos de Fernando González Laxe e Emilio Pérez Touriño, que situaron o Estado do Benestar en primer termo, Gonzalo Caballero exhibiu o “orgullo” de pertencer a un partido como o PSOE, que “impulsou” os servizos públicos e as pensións. “Temos toda a lexitimidade de ter demostrado o compromiso coa xente”, proclamou.
Fronte a este xeito de gobernar, afeou á dereita que “pensa só nas grandes contas” mentres “se olvida da cidadanía”, que segue sufrindo “a crise e as dificultades”. Non en van, sinalou que son moitos os mozos que teñen que saír na procura de oportunidades laborais e que a calidade de vida dos maiores segue empeorando.
Así é que recalcou que o PSdeG está “cargando as pilas” para ofrecer aos galegos “un proyecto para unha Galicia máis puxante e dinámica, de modernización e progreso”. “Debémosllo a Galicia”, subliñou, antes de comprometer “novas formas de facer política, con dignidade, ilusión e exemplaridade, e con experiencia”.
“NON NOS PODEMOS CONFORMAR”
“Non nos podemos conformar cun futuro negro”, remarcou Gonzalo Caballero, en referencia aos resultado que deixan “os gobernos de Feijóo e Rajoy, Rajoy e Feijóo”.
Así é que, xunto esa conformación dun proxecto para Galicia, chamou tamén o líder dos socialistas galegos a traballar para que Pedro Sánchez “se convirta no próximo presidente do Goberno de España”.
“Por nós, e pola xente que vén despois de nós, polo futuro do país. Necesitamos facelo”, apelou, fronte á “insensibilidade social” que caracteriza a etapa de goberno de Mariano Rajoy.
“GALICIA NECESITA UN CAMBIO”
Tamén na idea de que “Galicia necesita un cambio” abundou o alcalde de Oroso, Manuel Mirás Franqueira, quen garantizou “traballo duro” para lograr uns bos resultados nas eleccións municipais do ano próximo e impulsar o partido tanto a nivel galego como federal.
Pola súa banda, a recén elexida secretaria xeral do PSOE de Oroso, Vanesa Boo, prometeu tamén “compromiso e dedicación” na tarefa de darlle máis pulo á organización.
