Feijóo está a poñer en tela de xuízo a calidade democrática da Xunta

Feijóo está a poñer en tela de xuízo a calidade democrática da Xunta

Feijóo está a poñer en tela de xuízo a calidade democrática da Xunta

O portavoz da área institucional do grupo socialista, Juan Díaz Villoslada, censurou hoxe os pasos dados por Feijóo na nova lexislatura, cos que está a poñer “en tela de xuízo” a calidade democrática e dos servizos públicos autonómicos. Así, reclamou “novos protocolos de boas prácticas” ante a gravidade da “colección de sentenzas” contra os procesos de selección dos tribunais da Xunta e denunciou a “fraude de lei” das modificacións lexislativas na lei de acompañamento. Tamén esixiu “que se sente coas organizacións sindicais sen máis demora” ante a falta absoluta de diálogo social por parte do goberno galego.

O deputado socialista apuntou que o programa de impulso democrático 2015-2016 da Xunta “non está dando en absoluto resultados” e amosou a súa preocupación polo feito de que as continuas sentenzas contra os procesos selectivos de ingreso no emprego público autonómico -en casos como os do corpo superior, o corpo de delineantes, ou o xefe de psiquiatría do hospital de Pontevedra- “fan dubidar moito de que os mecanismos da Xunta sexan os correctos”.

“Hai tamén unha falta absoluta de diálogo social e negociación colectiva por parte de Feijóo”, dixo, tanto na Lei de Orzamentos como na de acompañamento, na que se están a facer modificacións lexislativas que “constitúen unha fraude de lei” porque están a modificar un paquete lexislativo sen ter en conta negociación colectiva ou alterando normas sustantivas que requiren do trámite parlamentario.

Neste sentido, Villoslada reclama a recuperación inmediata do diálogo para recuperar a calidade dos servizos públicos en declive desde 2010 e a “inmediata derrogación” da lei de 2012 “que afundiu” estes servizos e que perde sentido coa mellora macroeconómica. Tamén pediu a eliminación da taxa de reposición de efectivos e lembrou a perda de 3.000 profesionais no ámbito sanitario e 2.500 no educativo, aos que engadiu o dato “especialmente grave” de que no período 2010-2015 se perderan 1700 investigadores en Galicia. Por outra banda, solicitou a reversión dos recortes salariais, nos que a Xunta foi líder de odas as administracións de España na etapa 2013-2016.

O socialista lembrou que a propia Valedora do Pobo chamou a atención para retomar o diálogo diálogo social en Galicia e que os índices de transparencia caeron nos últimos anos. Así mesmo, puxo como exemplo da falta de calidade democrática “a actuación moi criticable do presidente do Consello Consultivo en contra do sistema e os mecanismos da calidade democrática”, polo que os socialistas seguen a reclamar o seu cese. “Esiximos do presidente da Xunta un auténtico compromiso en mecanismos de calidade democrática que faga recuperar a confianza dos cidadáns nas institucións”, afirmou.

Mercedes Cernadas

Artigos relacionados

Deixar a resposta

Pechar