Feijóo debe comparecer para explicar o fallo do Supremo sobre o anterior concurso eólico

Feijóo debe comparecer para explicar o fallo do Supremo sobre o anterior concurso eólico

Feijóo debe comparecer para explicar o fallo do Supremo sobre o anterior concurso eólico

O portavoz do Grupo Socialista, Abel Losada, solicitou hoxe un Pleno Extraordinario para que o presidente da Xunta dea conta das sentencias do Tribunal Supremo que revocan a anulación do anterior concurso eólico polo goberno de Feijóo e as axudas públicas a centros que segregan por sexo. Os socialistas solicitaron unha Deputación Permanente que aprobe dita sesión plenaria.

 

O responsable socialista acusou ao presidente da Xunta de “mentirlle aos galegos” para levar a cabo unha “obscena mistura de ideoloxía e negocio, aderezada co incumprimento da legalidade”. Así, dixo que a anulación do concurso eólico aprobado na pasada lexislatura supón “a enésima mentira e fracaso de Feijóo no sector enerxético”, ao que paralizou durante catro anos facendo que Galicia perda o liderado da enerxía renovable.

 

Lembrou que mentres Feijóo e o conselleiro de Economía e Industria anunciaban 14.000 empregos e un investimento de 6.000 millóns de euros, a realidade é “un sector eólico moi máis débil” e un recurso do Tribunal Supremo que “abre a porta ao pago de indemnizacións aos grupos empresariais beneficiarios do anterior concurso”.

 

Ademais, engadiu, mentres o presidente da Xunta en Galicia “incumpre a Lei por ideoloxía e por negocio”, no goberno central rexístrase unha “inaudita e brutal loita polo poder ente os ministerios de Facenda e Industria” que afecta directamente ao concurso eólico posto en marcha por Feijóo e ao “tax lease” Galicia.

 

Dixo que as discrepancias entre os ministros Montoro e Soria evidencian unha “xestión nefasta” no goberno derivada dun “problema interno do PP”. Explicou que esta situación “ten literalmente pulverizado” o concurso eólico de Feijóo pola supresión das primas ás enerxías renovables e impide a viabilidade de Alúmina – Aluminio e dos seus 2.500 empregos en Galicia ao impedir axustar os prezos da enerxía.

 

Finalmente, explicou que esta situación evidencia que a paralización do tax lease deriva “problema interno do PP” malia que Feijóo “intentara focalizar o problema en Almunia”. Reclamoulle ao presidente da Xunta que “defenda ao sector naval de Galicia e por unha vez antepoña os intereses dos galegos e galegas aos intereses do seu partido”.

 

Segregación

 

O responsable socialista reclamou hoxe a supresión do concerto para os centros educativos que segregan por sexos, logo de que o Tribunal Supremo vira ilegais estes concertos en dous centros de Andalucía e Cantabria. Losada criticou que o presidente da Xunta manteña este “negocio para os grupos integristas católicos” lamentando que “para o PP o Opus Dei manda mais que o Tribunal Supremo”.

 

Dixo que o presidente da Xunta debe comparecer para dar resposta a esta situación, e sinalou que retirarlle o concerto aos cinco centros que segregan por sexos en Galicia suporía un aforro de cinco millóns de euros, “o dobre do aforro que supostamente suporía o pucheirazo electoral de Feijóo”.

 

Explicou tamén que o anterior concerto dos cinco centros galegos estendíase dende 2004 ata 2009, polo que o goberno socialista tivo que cumprir co convenio asinado antes da súa toma de posesión e non o finalizou porque as eleccións autonómicas tiveron lugar antes de que caducara.

 

Lamentou que mentres o PP organiza unha “crítica despiadada á Educación para a Cidadanía son capaces sen ningún tipo de vergoña de apoiar a Educación para a Segregación”. Advertiu que si o ministro de Educación ten que recorrer a unha convención da Unesco dos anos 60 para xustificarse “evidencia que o PP continúa nos anos sesenta”.

 

Eleccións

 

En resposta a preguntas dos xornalistas, o portavoz do Grupo socialista explicou que “a posición dos socialistas galegos sobre o adianto electoral foi explicada polo secretario xeral o pasado martes” cando esixiulle a Feijóo que “aclare a data das eleccións, porque todo o que sexa incerteza prexudica á actividade económica de Galicia”.

 

Dixo que “o presidente da Xunta ten a competencia -sobre a convocatoria electoral-, ten que exercitala e contárllela á sociedade galega”, e sinalou que “os socialistas estaremos preparados cando convoque” as eleccións.

 

32641281A

Artigos relacionados

Deixar a resposta

Pechar