O portavoz de Educación do Grupo Socialista, Xoaquín Fernández Leiceaga, dixo hoxe que o Decreto de Atención á Diversidade no ensino aprobado pola Xunta en decembro é “papel mollado” por canto carece de recursos adicionais para os centros. Engadiu que establece un alto nivel de esixencia mentres “a Consellería de Educación non se compromete a nada”.

Na comparecencia en Comisión para explicar o devandito Decreto, lamentou que esta se teña celebrado logo de que o decreto fora aprobado, co que “impide a incorporación de calquera proposta derivada do debate”. Cualificou a intervención de “rolda de prensa a posteriori, co decreto vixente e correndo” e afectando ao conxunto do alumnado galego, co que a presentación “ten moito menos sentido que hai catro meses”.

Sinalou ademais que o Decreto posúe unha “ampla retórica” que se converte en “papel mollado” ao carecer de compromisos efectivos para dotar aos centros de mais persoal ou reducir o número de alumnos por aula onde sexa necesaria unha educación inclusiva adaptada ás persoas con necesidades disfuncionais. Así, lembrou que os recortes da Xunta auguran unha redución nos coidadores e orientadores escolares.

Apuntou que mentres o punto central do decreto é o Plan de Atención á Diversidade, este establece un nivel de esixencia “alto” cun seguimento anual, pero que se volve irrealizable pola falla de recursos. Acusou ao Goberno de “deixar solos” aos centros educativos diante das novas demandas, xa que “en todo o decreto a Consellería non asume un só compromiso”.

Reclamou tamén o compromiso do goberno para manter o número de orientadores escolares e esixiu un calendario de desenvolvemento da orde presentado hoxe para coñecer a previsión do inicio da aplicación.

Segregación

Fernández Leiceaga sinalou que a falla de compromisos e de recursos mentres os centros atópanse nunha “situación límite” provocará que estes aposten “polas medidas de carácter extraordinario previstas no decreto como a creación de aulas especiais que permitan paliar estas carencias de maneira pouco custosa. Explicou que os centros están obrigados a destinar os seus recursos a atender as necesidades de tódolos alumnos.

Acusou ao goberno galego de ir contra os obxectivos da LOE, que establece a inclusión e a desaparición progresiva da segregación tanto en centros especiais como en aulas especiais dentro dos centros ordinarios.

O responsable socialista reclamou un Plan de Acción Integral dirixido ás persoas con discapacidade para garantir unha educación inclusiva de calidade, tal e como ven de reclamar o Consello Escolar de Galicia. Solicitou que o goberno galego presente este Plan a debate na Cámara autonómica incluíndo un calendario para a eliminación de barreiras arquitectónicas e o reforzo do persoal de apoio onde sexa necesario.

Fidalgo criticou a intención do PP de propoñer unha reforma profunda da Lei de Costas, unha modificación innecesaria de algo que no seu día foi obxecto dun gran consenso durante o proceso democrático, unha volta a un sistema preconstitucional e a un modelo caduco, á lei de 1969, obviando o que establece a Constitución hoxe en día; esto é, que o dominio publico marítimo terrestre é de uso publico e o modelo do PP é a nefasta Lei do Chan de 1998 aprobada polo Goberno de José María Aznar, «unha lei de barra libre urbanística».

O senador recordou que a lei de 1988 recuperou o dominio público marítimo terrestre para todos e adoptou medidas para frear o proceso de urbanización do litoral, para protexer os valores ambientais. «É polo tanto unha ruptura dun pacto constitucional, engadiu Fidalgo, unha medida que botaría por terra algo que custou moito esforzo preservar e que é un golpe mortal para a imaxe de calidade da oferta turística española».

O voceiro socialista en Medio Ambiente e Cambio Climático acusou ao PP de aproveitar a súa maioría absoluta e de utilizar a desculpa da crise para poñer en marcha unha estratexia política dirixida a «dispoñer do chan ao mellor prezo, a facerse coa primeira liña de praia que nestes últimos anos preservamos cos impostos dos cidadáns, a construír grandes complexos e a poñelo no mercado de clientes estranxeiros». Fidalgo afirmou que é unha operación que «preocupa aos españois, un temor a perder a nosa costa, a que se permita a entrada da propiedade privada nos terreos costeiros».

Pola súa banda, os senadores socialistas andaluces criticaron que o PP, con esta proposta non só vai en contra do camiño emprendido pola UE, senón que ademais vai en contra da xestión da Xunta de Andalucía, que resolveu o 80% dos expedientes en tan só oito meses. Os parlamentarios do PSOE subliñaron, unha vez máis e de xeito rotundo, o seu apoio aos chiringuitos e ao valor que teñen para o emprego e a economía andaluza, «chiringuitos que están a ser utilizados polo Partido Popular como unha escusa para modificar a lei», afirmaron.

Ademais, engadiron que o Goberno de Andalucía mantén un diálogo permanente co sector ao que apoia totalmente. «O verdadeiro problema, puntualizaron, é a preservación do ecosistema, o risco de converter a costa mediterránea nunha sucesión de cemento,». Finalmente, os socialistas andaluces avogaron pola protección das costas españolas aducindo que «a praia é de todos».

Leiceaga explica que o Ministerio de Educación e Cultura ven de anunciar a anulación do apoio financeiro previsto aos Campus de Excelencia Internacional, (agás en Madrid e La Rioja), a través de créditos –que representa a parte do león das axudas.

Advirte que esta anulación “trae conta da necesidade de cumprir coa lei de estabilidade orzamentaria, de acordo coas explicacións ministeriais”, en concreto coa disposición adicional 41 da Lei de orzamentos do ano 2011, que indicaría que as Comunidades Autónomas que non cumpran co plan de estabilidade non poderán recibir créditos.

O deputado denuncia que esta medida “compromete gravemente o futuro destes programas, que están sendo impulsados no ámbito europeo, e, deste xeito, a competitividade internacional da universidade española, e o sistema universitario galego en particular.”

Sinala tamén que algunha comunidade autónoma xa manifestou a súa decisión de achegar os recursos necesarios de xeito autónomo, con independencia do que faga o Ministerio.

Que datos ten a Xunta?

Leiceaga quere coñecer que datos ten a Xunta sobre a intención do Ministerio en relación cos créditos previstos para os Campus de Excelencia?, e si están asinados os preceptivos convenios ou existe algunha previsión para a súa formalización?

O parlamentario quere sabre si é verdade que a situación da Xunta de Galicia en relación co cumprimento da Lei de estabilidade orzamentaria impide a achega dos créditos previstos ao sistema universitario de Galicia?

E por ultimo “que accións ten previstas a Xunta de Galicia para garantir o futuro dos Campus de Excelencia no noso sistema universitario?”, concluíu.

“non se pode privar ao 95% dos residentes galegos que viven no exterior dun dereito constitucional”,dixo.

Soneira que rexistrou unha proposición no Parlamento de Galicia, dixo que a reforma da LOREG “no que atinxe o voto dos españois residentes ausentes, supuxo un dos maiores erros na historia democrática do noso país”.

Replicou que esta constatación quedou patente “diante dos datos que amosan as últimas eleccións xerais e as autonómicas de maio”.

A deputada socialista aseverou que “este estado de cousas non implica, soamente, unha imposibilidade manifesta de participación dos españois residentes no exterior, senón que é unha discriminación entre españois exclusivamente por razón de residencia”.

A deputada argumenta que diante deste “claro erro”, so cabe emendalo e establecer “mecanismos de participación política o mais semellantes posible, e coas mesmas garantías, ás esixibles o resto dos españois”, insistiu. Neses senso demandou “a constitución de circunscricións electorais no exterior onde os emigrantes poidan ter representación directa e onde poidan votar realmente en urna”.

A portavoz socialista advertiu que “rogar o voto é un proceso inaceptable e impropio do noso modelo político, que vulnera o principio de igualdade de dereitos de tódolos cidadáns recollido na Constitución e no Estatuto de Autonomía de Galicia”.

Soneira acusou ao Goberno de Feijoo “de estar ausente e alleo ás demandas dos galegos residentes no exterior”. E proseguiu coas súas criticas “Feijoo renunciou a ser o portavoz das súas demandas e ten reducido as políticas de emigración a un mero negociado administrativo se peso nin categoría política, polo tanto non se mollou neste asunto”.

Canarias 27 votos

Puxo o exemplo de Canarias nas eleccións autonómicas, na que existe unha gran parte da súa poboación emigrada en Venezuela, “chegaron 27 votos, dun total de 20.000 posibles electores”. Por iso insiste “algo falla e polo tanto hai que modificalo”.

Secretaria de Emigración na Executiva Federal

A parlamentaria asevera que dende o PSdeG-PSOE “posicionamonos en contra dos acordos que deron lugar a esta modificación”. Ademais lembra que “temos aportado e defendido documentos que promulgan a revisión do “voto rogado”, xunto coa creación dunha Secretaria de Emigración na Executiva Federal que se encargue especificamente da defensa política dos españois, maioritariamente galegos, residentes no exterior”. Ámbalas dúas propostas foron aceptadas e asumidas polo Partido e hoxe forman parte do noso ideario político.

Por ultimo afirma que presenta esta proposta para coa vontade de acadar o consenso unánime da cámara para trasladar o Goberno do Estado e as Cortes Xerais a necesidade de dar resposta ó clamor de mais de millón e medio de españois por participar e formar parte do deseño político do noso país.

O responsable socialista preguntou pola execución do Plan Revive da Costa da Morte, e o director xeral do ente, Javier Aguilera, recoñeceu que só mobilizara o 10 por cento do previsto. Así, mentres o conselleiro anunciaba un investimento de 25 millóns de euros, a realidade é que investíronse 2,5 cunha media de axudas de 20.000 euros por empresa.

Salientou as considerables dificultades que está a demostrar o goberno galego na execución “lenta e insuficiente” deste plan, que mesmo ten dado por paralizado 9 meses despois da súa posta en marcha. Así, lembrou que o Parque Empresarial de Laracha está baleiro, o Parque Industrial de Morás nin sequera está construído 24 meses despois, e as infraestruturas acumulan retrasos intolerables.

Méndez Romeu lamentou que o Goberno galego teña “acudido á lírica” para presentar este Plan mentres a realidade é que as empresas “quéixanse dun descoñecemento absoluto dun Plan que consideran un fracaso que non ten desenvolvido iniciativas coñecidas nin encetado as axudas prometidas”. Lamentou que este empresariado “non atopa resposta ás súas demandas” por parte do goberno galego.

Máis eficiencia e menos propaganda

O responsable socialista esixiu hoxe “máis eficiencia, mais diálogo e menos propaganda” por parte do Igape e unha actuación “menos grandilocuente e mais axeitada ás demandas das empresas que están resistindo á crise”. Na súa intervención, reclamou “máis discreción e eficacia” ao Igape, que “arrastra unha sucesión de escándalos e unha minoración da súa capacidade financeira moi notable” dende a chegada de Feijóo.

José Luis Méndez Romeu pediu “accións menos mediáticas” e mais eficaces e un ente que mantén “unha distancia inmensa entre feitos e promesas” ao pasar dun ente discreto a un Igape “fachendoso e mediático” baixo a tutela do conselleiro de Economía e Industria.

A deputada socialista critica a “mala interpretación da austeridade” feita polo Goberno Feijóo con este recorte, xa que coa supresión do contrato a estes profesionais se merma a calidade dun servizo moi apreciado pola cidadanía e con repercusión directa en importantes sectores da economía galega.

Así, Gallego Calvar recordou que, en virtude do convenio CRTVG – Meteogalicia, os meteorólogos contratados non só presentaban en antena os espazos de información do tempo, senón que existía un servizo chamado de Predición Operativa, encargado da interpretación da información e a elaboración de mapas, facían prediccións específicas para o mar, as estradas, as cidades, se colaboraba coas consellerías de Sanidade e Educación nos casos de vaga de calor ou de fenómenos meteorolóxicos adversos que aconsellan o peche dos colexios e contribuía ao seguimento dos riscos de lume no verán.

En definitiva, os metereólogos “trasladaban un bo servizo de información do tempo que non é unha cuestión menor en Galicia”, advirte a parlamentaria socialista. Recorda que unha parte importante da actividade económica da comunidade está ligada ao sector primario. “Pensemos na pesca, acuicultura, ou na actividade agrícola e gandería e na incidencia dunha boa información ofrecida por profesionais en sectores como o turístico”, dixo.

Para Carmen Gallego a decisión da CRTVG de prescindir dos profesionais de Meteogalicia “non pode argumentarse desde criterios de austeridade”, porque, se ben os profesionais da información que substituíron aos meteorólogos son de plantilla, a contratación destes técnicos corría a cargo da consellería de Medio Ambiente, “polo tanto a súa substitución non supón aforro ningún para a compañía”, insistiu.

Tampouco se sostén a apelación a que non se perde calidade no servizo, porque, se ben no se discute, senón que se valora a capacidade da plantilla da CRTVG para a transmisión da información, “non teñen unha formación axeitada para a predición e elaboración de pronósticos e se perden os servizos complementarios que se prestaban desde Predición Operativa e que eran de grande utilidade non só para a audiencia senón para sectores económicos estratéxicos”.

Tampouco admitiu Carmen Gallego a referencia do Director Xeral da CRTVG a que este procedemento se ten levado a cabo en outras cadeas, citando a unha cadea privada. Recriminou ao responsable da radio e televisión pública de Galicia que non se mantiveran en mans dos profesionais da metereoloxía as informacións do tempo, como fan o resto de televisións públicas a través de convenios coa Administración. Matizou ao responsable da cadea pública que no caso da televisión privada aludida, o que existe é un coordinador da información, que ofrecen a través de técnicos expertos en meteoroloxía.

Laiouse tamén de que non se valore o traballo desenvolto polos profesionais cos que contaban, que queda contrastado coa contratación pola TVE dun destes metereólogos para o informativo de maior audiencia.

“A proclamada austeridade Goberno Feijóo que non dubidaba en encher os medios de comunicación privados con páxinas de publicidade pagadas para tapar a ineficacia das súas políticas pon en risco e minora a calidade de servizos moi apreciados polo conxunto da cidadanía e tamén moi útiles para sectores coma o turístico, o medio rural, o mar, etc.”, concluíu.

O deputado socialista galego e relator do grupo parlamentario socialista, Francisco Caamaño, defendeu no Pleno do Congreso a absoluta necesidade de que o Goberno actúe con firmeza en defensa do tax lease ou dun sistema alternativo que permita asegurar a carga de traballo dos estaleiros españois e esixiu que, mentres non se resolva o procedemento aberto pola Comisión Europea, o Goberno estableza con urxencia un sistema transitorio que impida a severa penalización que sofre o sector e que lle fai perder competitividade nos mercados europeo e internacional.

Para Caamaño «apostar polo sector naval é un acerto pois falamos dun sector moi relevante para a economía española e dun sector cargado de futuro». Por iso, resaltou que non é momento de ir a Europa e volver con máis recortes e máis austeridade senón de ir a defender o mellor da nosa industria e esixir que se eles non invisten nos deixen investir a nós».

O parlamentario do PSOE fixo fincapé en que tras diversos procesos de reconversión e adaptación ás esixencias dun mercado que comeza a recuperarse, «o sector naval español de Andalucía, Canarias, Asturias, País Vasco e Galicia deu mostras das súas moitas capacidades para estar á vangarda na construción e reparación de buques, tanto civís coma militares e acometer outros moitos proxectos off shore»

Por iso, o voceiro socialista solicitou que o Goberno manteña nos Presupostos Xerais do Estado os programas de reindustrialización para o sector naval iniciados polo anterior Goberno Socialista e apuntou a presentación de iniciativas parlamentarias do seu grupo con solucións alternativas ao sistema do tax lease.

Ademais, referiuse concretamente á situación dos estaleiros galegos da ría de Ferrol e sinalou que «os estaleiros públicos de Navantia son un centro de referencia na construción naval do noso país e unha peza clave no desenvolvemento económico de toda a bisbarra». Así, considera que «apostar polo sector naval en Galicia é apostar polo futuro da Comunidade Autónoma, consolidando un sector industrial prioritario de longa tradición e á cabeza en innovación e tecnoloxía»

«Durante estes anos -sostivo- o Goberno Socialista adoptou medidas para asegurar a carga de traballo dos estaleiros». Non obstante, advertiu que «a continuidade do esforzo de investimento realizado se encontra en situación de risco se non se implementar medidas concretas que aseguren a carteira de pedidos». Neste sentido, apuntou a necesidade de reactivar a fábrica de turbinas, impulsar a construción do dique flotante e desenvolver o centro de reparacións de Navantia na ría de Ferrol para a preparación dos estaleiros á construción civil.

«Son propostas razoables -manifestou- que xa contaron no pasado co apoio do PP nesta Cámara e que tamén secundou o PP de Galicia, que fixo público o seu compromiso de cofinanciar o dique flotante para reparacións».

Non obstante, Caamaño resaltou que «a pesar dos compromisos asumidos polo PP na Xunta de Galicia, o Goberno virou hoxe as costas no Congreso aos estaleiros galegos»; «o Goberno debe saber que destinar recursos públicos ao sector naval é un investimento e non é un gasto». Non é déficit, é futuro» -engadiu

Cerviño acusou ao Conselleiro de Educación “de ser o máximo executor das políticas de desprotección da lingua galega”.

O deputado afirma que a folla de ruta de Feijoo tivo consecuencias nefastas como a derrogación do decreto sobre a lingua galega no ensino primario e na ESO ou a modificación da Lei da función pública para eliminar a obrigatoriedade dun exercicio en lingua galega.

Dixo tamén que o Goberno da Xunta segue tomando medidas restritivas sobre a lingua pola vía orzamentaria. Afirma que se reduciron os orzamentos de apoio discriminatorio á lingua galega, o que está levando á práctica desaparición dos Equipos de Normalización Lingüística. Ademais da minoración das edicións en lingua galega, tanto de libros como de medios de comunicación, e xunto coa perda de tódolos xornais en papel ou dixitais que se editaban en galego.

Por ultimo emprazou ao Conselleiro de Cultura a festexar a lingua galega “con respecto, con compromiso, con seriedade e con propostas que axuden a fornecer e a florecer o noso idioma”.

O responsable socialista criticou tanto a forma como o fondo desta reforma, impedindo a presentación de emendas parciais e limitando o debate sobre esta “coartada ideolóxica para debilitar os servizos públicos e prexudicar a calidade abrindo portas a procesos privatizadores”. Losada sinalou que estas medidas son “arbitrarias e afectan directamente á calidade dun servizo que reciben o conxunto dos cidadáns”.

Acusou a Feijóo e ao PP de utilizar el Parlamento como “axente político ao servizo dun partido e non do conxunto da cidadanía” cunha proposta que reduce os dereitos laborais e as condicións de traballo dos funcionarios, prexudicando a atención aos cidadáns. Negou que busquen o aforro, xa que o propio Feijóo votou en contra dunha proposta socialista para aforrar 130 millóns de euros no funcionamento da administración.

Adiantou tamén que o presidente do Grupo, Pachi Vázquez, empregará a sesión de control do próximo Pleno para preguntarlle a Feijóo pola diminución da calidade dos servizos públicos que presta a Xunta.

Comisión de Investigación

O responsable socialista criticou tamén que o PP teña “literalmente torpedeado” os dereitos do Grupo Socialista ao rexeitar de novo a incorporación á orde do día do Pleno da proposta de Comisión de Investigación sobre as caixas. Dixo que esta negativa “constitúe unha decisión política do PP que responde aos intereses do PP e o Goberno galego”.

Lembrou que os socialistas galegos contan con maioría suficiente para presentar esta iniciativa e solicitar a súa incorporación no Pleno, e dixo que, en contra do que afirma o portavoz do PP, esta non interfire no proceso de capitalización das caixas. Explicou que os socialistas queren investigar “o papel da Xunta como regulador e as indemnizacións aos directivos”, tanto si foron devoltas como en qué situación se atopan.

Losada advertiu que o PP volveu impedir a comparecencia do presidente da Xunta solicitada polos socialistas galegos para dar conta da situación económica de Galicia, e preguntou si Feijóo “se vai dedicar agora a gobernar logo de que no congreso de Sevilla se demostrara que xa non está tan de moda pola súa pésima xestión”.

O PP tamén rexeitou a comparecencia do conselleiro de Economía para dar conta da suspensión das primas renovables e o parlamentario socialista botou de menos tamén a comparecencia da conselleira de Facenda para “explicar os recortes” impostos polo goberno galego.

Os socialistas galegos levarán ao próximo Pleno dúas mocións sobre a situación económica xeral e para que o Executivo realice un “exercicio de transparencia” diante das irregularidades rexistradas no Igape. Tamén serán debatidas unha Proposición non de Lei sobre a transferencia de fondos de emprego aos concellos e dúas preguntas sobre os efectos da reforma laboral en Galicia e a competitividade das explotacións leiteiras.

O portavoz socialista explicou que o próximo Pleno incluirá unha interpelación sobre a supresión das primas ás renovables, que cualificou de “bluff” do goberno galego xa que “tendemos á nada” logo do decreto do Goberno central. Losada reclamou a Feijóo que “sexa tan dilixente presentando un recurso contra este decreto como o foi con outros recursos cando gobernaba o PSOE”.

Servizos públicos

O portavoz do Grupo Socialista anunciou tamén que o próximo Pleno incluirá tamén unha interpelación dirixida á conselleira de Sanidade diante da “inmoralidade” que supón a redución da calidade da sanidade pública por parte da Xunta, que acaba provocando cidadáns “de primeira” e cidadáns “de segunda” nunha cuestión tan sensible como é a saúde.

Tamén presentarán unha Proposición non de Lei con motivo do Día da Muller Traballadora e para a posta en marcha do IV Plan Galego da Igualdade de Homes e Mulleres, malia a “escasa receptividade” por parte do PP ás políticas de igualdade. Explicou que presentarán tamén unha pregunta oral para que a Xunta dea conta pola privatización de garderías e escolas infantís.

O portavoz de Industria e Innovación do Grupo Socialista recriminou á Xunta que, desde que chegou Feijóo ao Goberno, non tivera feito nada a respecto da implantación deste sistema, semellante aos airbags dos automóviles, que ten demostrado a súa eficacia en barcos con medidas inferiores aos 30 metros.

Méndez Romeu reprochou ao Secretario de Innovación da Xunta, Ricardo Capilla, que, tratándose dunha patente que afecta a dous sectores “un que necesita seguridade”, como o do mar, e outro que precisa de iniciativas que xeren emprego, como o naval, todo o que se ten feito “foi durante o goberno anterior, mentres que o actual goberno, desde 2009 se mantivo paralisado” .

O deputado socialista afeou as referencias á regulación do mercado e a que a Xunta non pode funcionar de axente comercial, feitas polo responsable de Innovación do Executivo galego. Méndez Romeu apelou á oportunidade de combinar “a necesidade obxectiva de mellorar a seguranza a bordo e un producto que coincide con un momento de crise estrutural no sector naval, que representa o 5% do PIB galego”.

O que esperaba o parlamentario socialista era unha maior capacidade para poñer en valor os resultados da innovación coas necesidades da industria e actuar nese sentido. Sobre todo cando o volumen de financiamento que recibe o sector naval con cargo aos poderes públicos é dificilmente parangonable con outros sectores, por razóns estratéxicas.

Considera o voceiro de Industria do Grupo Socialista que, como lamentablemente sucede, as medidas de seguranza requiren “medidas expeditivas” por parte da Admininstración e suxeríu a implantación por lei deste sistema, “como ocorreu no seu día cos airbags dos automóbiles”.

UNHA PATENTE GALEGA QUE PERMITIRÍA MELLORA AS CONDICIÓNS DE SEGURIDADE DA TRIPULACIÓN, A CARGA E O PROPIO BARCO

Unha empresa galega deseñou e patentou no ano 1997 un sistema de seguridade de barcos, baseado no uso de flotadores que complementan a flotabilidade e incrementan a estabilidade, evitando o afondamento do buque. O sistema consiste en globos que se inchan automáticamente cando os sensores de control detectan unha vía de auga. Cada flotador despraza unha tonelada e media de auga. O buque pode resistir así ata 24 horas.

Dese xeito, a tripulación pode continuar a bordo ata a chegada dos equipos de rescate, evitando o risco de perdas humanas. Ademais o sistema evita a perda da carga, minimizando os custos económicos e medioambientais dos naufraxios. Doutra banda, o buque permanece a flote polo que pode trasladarse a porto, polos seus propios medios ou remolcado.

O sistema está patentado en 24 países de varios continentes, entre 2001 e 2008 foron realizadas probas en laboratorio e no mar, demostrando a súa viabilidade. No ano 2007 a Dirección Xeral da Mariña Mercante aprobou a súa instalación en barcos de ata 30 metros de eslora. Un ano despois, no ano 2008, a Xunta de Galicia instalouno no buque patrulleiro “Serra do Courel”, recoñecéndose a utilidade e iniciándose un proceso de estudo da súa aplicación xeral.

O custo de implantación necesita axuda económica da Xunta, para complementar as axudas dos Fondos Europeos de Pesca, que rondan o 60%, e as achegas dos propios armadores.

NOVO NICHO DE EMPREGO E APOIO Á INNOVACIÓN GALEGA

A xeneralización do sistema tería beneficios adicionais na industria naval (enxeñería, estaleiros, auxiliares). Trátase dunha tecnoloxía innovadora que pode ter un mercado internacional moi importante. Doutra banda, o sistema que reduce riscos de perda de vidas e mantén a flote os buques, reduciría o custo de utilización dos medios de Salvamento Marítimo.

A patente é dunha empresa galega que leva feito un importante investimento en I+D. Dende o ano 2009 nada se coñece da posición da Xunta. Non parece sentir interese polo incremento da seguranza nin polo desenvolvemento tecnolóxico. Unha solución especialmente axeitada para a flota artesanal permanece sen desenvolvemento.