A responsable socialista chamou ao goberno galego a defender a sanidade pública, universal e gratuíta e que se posicione “en contra de que os pensionistas galegos, que teñen a pensión media mais baixa do estado, teñan que pagar polos medicamentos ou a atención sanitaria”.

Instou á Xunta de Galicia a rexeitar os recortes que promove Rajoy e engade que si, como di a Xunta, Galicia xa fixo os axustes, os galegos e galegas “nin poden nin deben soportar un só recorte mais”.

Advertiu que a entrada en recesión da economía galega obriga á Xunta a “dar a cara e afrontar a reactivación da economía e do emprego”. Dixo que os últimos datos do PIB coñecidos hoxe, sitúan en “serio risco” o desenvolvemento futuro desta Comunidade Autónoma diante da “inacción” do Goberno galego e dun presidente que “fuxe pola porta de atrás”.

Lembrou que, malia o “optimismo incongruente” do presidente da Xunta, que anuncia que Galicia liderará a recuperación económica de España, “tódolos indicadores económicos coñecidos ata o momento sinalan exactamente na dirección contraria”. Lembrou así o incremento do paro ou a caída brutal do índice de produción industrial, actividade turística ou as exportacións e agora tamén o PIB.

Caride criticou que as únicas aportacións do PP sexan, en lugar de traballar por recuperar o impulso económico acadado na pasada lexislatura, “poñer veliñas a santos ou facer rogos”, en alusión ás declaracións do portavoz deste grupo, Pedro Puy, que onte anunciaba que a súa proposta era “facer votos” para que o proxecto de NGB continúe sen subhastarse ao cen por cen.

Os socialistas galegos amosan a súa firme defensa dos avances acadados nos últimos anos en materia de dereitos para lesbianas, gais, transexuais e bisexuais no noso país, e apostan por superar a homofobia, a transfobia e a bifobia, que constitúen “unha das formas de odio mais estendidas”. Sinalan ademais que a homosexualidade segue sendo perseguida penalmente en 76 países, e mesmo castigada coa pena de morte.

Sinalan que traballar contra da igualdade legal das persoas baseada na súa orientación sexual ou a súa identidade de xénero constitúe tamén unha clara forma de homofobia, transfobia e bifobia.

Engaden que as persoas transexuais son un dos colectivos mais excluídos socialmente, como poñen de manifesto os informes elaborados pola Comisión Europea, e sendo obxecto dunha importante discriminación no ámbito laboral e educativo. O PSdeG-PSOE advirte que, a día de hoxe, a transexualidade segue a formar parte do catálogo de enfermidades mentais da OMS.

Sinalan que tanto o Goberno español, a través dun acordo do Consello de Ministros do 14 de maio de 201, como a UE teñen instado á OMS a despatoloxizar a transexualidade na próxima revisión do DSM.

A portavoz de Servizos Sociais do Grupo Parlamentario Socialista exise tamñen a derrogación do Decreto de Servizos Sociocomunitarios, manter a estrutura financeira do Plan Concertado.

A moción socialista esixe tamén do Executivo galego que se prioricen as políticas de servizos sociais e atención primaria e especializada dentro do orzamento autonómico e nas políticas de actuación da Xunta de Galicia, en colaboración cos concellos.

A deputada do PSdeG-PSOE acusa ao Goberno galego de “estar a abrir unha fenda social”, co recorte aos concellos do 80% do Plan Concertado de Servizos Sociais. Alerta que esta situación conduce indefectiblemente á imposibilidade de desenvolver os servizos sociais municipais, que son “imprescindibles para unha sociedade xusta e solidaria”.

Sestayo atribúe os recortes tanto en Servizos Sociais como en Sanidade e Educación á “ideoloxía ultraliberal” do Executivo de Núñez Feijóo e do Goberno de Rajoy.

Arremete a deputada socialista contra as medidas impulsadas desde o departamento de Beatriz Mato. Afirma que cando goberna o PP procuran abrir unha fenda social, dividindo a sociedade “entre ricos e pobres, entre amos e escravos”.

“Por iso recortan a axuda a domicilio” acusa Sestayo, porque as persoas que teñen que pagar o 90% por un servizo público non poderán acceder a el. Por iso 24.951 dependentes, cos seus dereitos recoñecidos, non cobran a prestación. Por iso eliminan os equipos de inclusión social, que atendían a 6.000 familias en risco de pobreza. Por iso a Xunta paga o RISGA con unha demora de sete meses.

Acusou ó Goberno de Feijóo de ter destruído “aquelas políticas de inserción que facían vivir en condicións de igualdade a persoas e familias en risco de exclusión social”. Dirixíndose á Conselleira de Traballo e Benestar, recriminoulle que estas persoas queden á marxe do sistema, “ás colas dos bancos de alimentos, que por certo, xa non chegan”, dixo.

O PSdeG-PSOE recolle o facho do intelectual galeguista, atopando en Galicia como Tarefa a inspiración que marca un camiño absolutamente actual e necesario a respecto do entendemento da cultura, da lingua e dos medios de comunicación para a construción e o exercicio dunha identidade de nós

No solemne marco do camposanto que acolle os restos de Paz Andrade, Pachi Vázquez reivindicou á Cultura, á Lingua e á Comunicación, coma elementos que constitúen un ámbito de actuación estratéxica para o noso país

Reivindican a superación da fenda dixital e facilitar o acceso á cidadanía ás tecnoloxías da información e da comunicación, que constitúen un eido de coñecemento imprescindible para a igualdade de oportunidades

A CRTVG debe contar cos medios humanos, económicos e técnicos precisos para garantir o dereito democrático á información e ao entretemento da cidadanía

Salienta “o feito honroso de teren sido as nosas siglas” o teito baixo do cal puideron participar na vida democrática e política do noso país figuras do galeguismo histórico coma Ramón Piñeiro, Carlos Casares, Benxamín Casal ou o propio Valentín Paz Andrade, en momentos cruciais do nacemento das institucións democráticas de Galicia

DECLARACIÓN LETRAS GALEGAS 2012

FACER REALIDADE O SOÑO DE VALENTÍN PAZ ANDRADE: GALICIA É TAMÉN A NOSA TAREFA

O PSdeG-PSOE desexa compartir co pobo galego a importancia e actualidade da análise filosófica, política e propositiva de Valentín Paz Andrade no conxunto da súa obra, e tamén no exemplo da súa actitude vital e pública. Especialmente, en Galicia, como tarefa, os socialistas galegos atopamos a inspiración que nos marca un camiño absolutamente actual e necesario a respecto do entendemento da cultura, da lingua e dos medios de comunicación para a construción e o exercicio dunha identidade de nós. Neste sentido declaramos que:

7) Galicia é tamén para nós, socialistas e galeguistas, a nosa tarefa. O noso afán. Honramos por elo, e seguimos, o camiño que nos deixaron marcado cidadáns esgrevios, exemplares e xenerosos, coma é no caso deste ano, Valentín Paz Andrade, sempre con nós, na memoria e no corazón.

Comisión Executiva Nacional Galega do PSdeG

Santiago de Compostela, 14 de maio de 2012

Manifesto do día das Letras Galegas (en pdf)

A portavoz de Agricultura do Grupo Socialista, Sonia Verdes, sinalou que a Xunta adebeda aos concellos 1,2 millóns de euros para o mantemento dos grupos municipais de intervención rápida –Grumir-. Así o dixo nunha pregunta ao goberno en Comisión, na que acusou á Xunta de deixar “indefensos” aos concellos limitando os grumires de 48 a 22 e suprimindo 500 efectivos.

Verdes apuntou que a Xunta “constata que o conselleiro de Presidencia mentiu e que o Goberno galego non cumpriu porque aínda adebedan os 1,2 millóns de euros” que o conselleiro comprometera no pasado mes de febreiro. Dixo que en lugar de fomentar uns grumires estables, a Xunta está a recortarlles os orzamentos e os dispositivos, que resultan imposibles de asumir durante mais tempo polos propios concellos.

Lembrou que estes grupos prestan os seus servizos en situación de emerxencia e que, ata a chegada do PP á Xunta, participaban prestando labores de prevención de incendios e participan na extinción de incendios integrándose no dispositivo baixo o mando único que establece o Pladiga. Advertiu que a estratexia de Feijóo e do conselleiro Rueda foi “non asinar os convenios cos concellos para o mantemento dos Grumir estables”.

Advertiu que a Xunta incumpriu o Pacto Local, obrigando aos concellos a asumir os custes do servizo, mentres continuaban cos recortes nas medidas de prevención de incendios e avanzaban no desmantelamento do dispositivo de extinción de incendios. O goberno ten “diezmado” o dispositivo ao non cubrir as baixas, co que “sobraban motobombas e faltaban motobombistas” mentres os brigadistas se xogaban a vida nos montes.

Incompetencia e inseguridade

Dixo que mentres recortan os orzamentos e negan as axudas aos concellos, cárganos con competencias do Goberno galego, obrigándoos a asumir as funcións dos parques de bombeiros “e polo tanto non van participar na extinción de incendios forestais”. Criticou a “incompetencia e irresponsabilidade” do Goberno de Feijóo porque “coa escusa da falsa austeridade recortan prestacións aos veciños poñendo en risco a súa seguridade”.

Sinalou que “o goberno galego é quen ten as competencias para garantir a defensa fronte aos lumes que lles atribúe o Estatuto e a Lei de Incendios, e ten a responsabilidade de protexer os nosos montes e as propiedades dos veciños e veciñas e de garantir a seguridade das persoas”. Denunciou que “levan mais de 3 anos facendo desleixo das súas competencias, recortando e desmantelando as medidas de prevención e extinción”.

Lembrou que mentres durante tres anos a Xunta recortou 22 millóns de euros na prevención de incendios, os concellos tiñan que manter os dispositivos de reforzo no outono do ano pasado porque a Xunta daba a campaña por pechada “mentres a vaga de lumes arrasaba mais de 20.000 hectáreas en Ourense, elevando a 36.400 as hectáreas de monte calcinado no peor ano dende 2007”.

Ademais, suprimiron os convenios para a protección de núcleos e “a día de hoxe os brigadistas de Seaga seguen sen incorporarse ao dispositivo” e “aínda non asinaron os convenios cos concellos para desbroces preventivos nos camiños”. Explicou que neste ano volveron a recortar 440.000 euros nas ordes de axuda para a prevención de incendios, e recortaron outros 3,7 millóns de euros no dispositivo.

Ademais, pregunta “cando vai cumprir o PP os seus compromisos electorais de suprimir a peaxe no tramo entre Lalín e Santiago”

O senador socialista por Ourense, Miguel Fidalgo, deu a coñecer unha resposta do Goberno en relación co cambio no sistema de peaxes implantado en Portugal e que tan graves danos está ocasionando as empresas e veciños de Galicia e do Norte de Portugal.

Fidalgo lamenta “que Feijóo non defenda os galegos e que Rajoy non teña feito nada por resolver este problema, e que ambos teñan renunciado a que se supriman este tipo de peaxes tan arbitrarios mentres se continua implantando en novos tramos”.

O senador socialista recorda que “a maioría destas autovías que eran gratuítas foron construídas con cargo a Fondos Europeos, e que ademais carecen de alternativas de circulación públicas de carácter nacional, polo que debe defenderse a supresión das peaxes e non aceptar que se cambie parcialmente a forma de cobrar a algúns usuarios”.

Miguel Fidalgo lamenta que despois de meses, non fosen cunha solución acordada e aceptable para os galegos, que son os mais prexudicados, ao Cumio celebrada hai unhas semanas.

A Fidalgo parécelle “patético” que, uns días antes dese Cumio entre os Gobernos de España e Portugal, dous deputados ourensáns fosen facer un paripé de simular negociacions sobre este asunto nunha materia que compete aos Gobernos Nacionais.

Por outra banda, Miguel Fidalgo anunciou que preguntará sobre a data na que o goberno de Rajoy vai cumprir os seus compromisos de suprimir a peaxe na AP 53 , no tramo de pago entre Santiago e Lalín, que castiga especialmente aos ourensáns, xa que é a vía que se utiliza para ir á capital administrativa de Galicia.

Fidalgo recorda que o tramo entre Ourense e Lalín foi xestionado polos socialistas no goberno da Xunta para que fora gratuíto por afectar a unha provincia necesitada de apoio para equipararse ao resto de Galicia, e lamenta a falta de acción de Feijóo para defender agora esta reclamación de suprimir a peaxe no tramo que construiu o goberno do PP.

A representación socialista está composta polas parlamentarias Carmen Gallego, Dolores Rodríguez Amoroso, Silvia Fraga e Sonia Verdes. Hai que sumar os tres parlamentarios do BNG e o representante de Libera, Rubén Pérez.

Pérez explicou que o a creación deste Espazo parlamentar, existente tamén en outros parlamentos europeos, no Congreso e no Senado, obedece á necesidade de contar cunha “representación estable” no Parlamento de Galicia para artellar calquera iniciativa na defensa dos animais.

Como aclarou o representante da Fundación Libera, o Espazo Parlamentar nace aberto a todos os grupos políticos e con vocación fiscalizadora da labor do Goberno.

A deputada, Dolores Rodríguez Amoroso, salientou en nome da representación socialista, que dende 2009 a 2012 hai 12 millóns de euros menos dedicados a políticas de conservación, en concreto en conservación e protección da biodiversidade hai 0 euros no 2012. En axudas a concellos para protección de animais domésticos de 450.000 euros no 2009 pasouse a 282.000 euros no 2012.

Baixaron tamén as indemnizacións por danos de fauna, pasando de 234.300 euros no 2009 a 128.301 euros no 2012 e en axudas ás sociedades protectoras de animais pasamos de 79.200 euros no 2009 a 13.600 euros no 2012.

Denuncia a deputada socialista que, “nun momento cómo o actual de grave crise económica os concellos contan con menos recursos para loitar contra o abandono dos animais domésticos, minorados ademais polas insuficientes partidas orzamentarias da Xunta de Galicia”. As sociedades protectoras de animais “tampouco reciben o apoio do Goberno galego” como se ve nos Orzamentos e teñen graves dificultades para atender todos os animais abandonados que recollen.

Ademais a “crise acentúa o abandono de animais domésticos” porque familias pouco concienciadas despréndense destes animais cando ven mermar os seus ingresos.

Isto “preocúpanos no grupo parlamentario socialista”, afirma Rodríguez Amoroso,polo que consideran “necesario facer visible este problema con iniciativas cómo a que hoxe subscribimos”, dixo.

Os socialistas declaráronse “alarmados” polas batidas de lobo que está autorizando a Xunta de Galicia en lugares como a Serra do Barbanza, “baixo a escusa dos ataques ao gando e supostas hibridacións entre lobos e cans aínda non demostradas” apuntou a deputada socialista.

Estas batidas “están fomentando claramente practicas ilegais como a caza de lobos mediante lazos” na Serra do Barbanza na época ademais de cría das femias.

Tanto no verán de 2011 como nesta última autorización da Xunta de marzo de 2012 “atopámonos con lobos mortos por prácticas ilegais e con claros sinais de sufrimento”, denuncia.

Os socialistas demandan da Xunta de Galicia que “si hai danos no gando os indemnize cómo se facía por parte do anterior goberno e non pretenda coa escusa da crise aforrar tamén aí cómo o está facendo (pasamos de 234.300 euros no 2009 para estas indemnizacións a 128.301 euros no 2012)”. Demandan ao Goberno galego que “finalice con estas autorizacións de batidas que moito nos tememos están rematando coa poboación de lobo ibérico da Serra do Barbanza”, sentenciou.

A portavoz de Facenda e Orzamentos do Grupo Socialista, María José Caride, esixiu un compromiso do Goberno galego para evitar os desafiuzamentos por execucións orzamentarias. Caride presentou unha proposición non de Lei na Comisión de Economía do Parlamento para garantir o mantemento da vivenda ás vítimas da crise económica, que foi rexeitado polo PP.

Acusou ao PP de ter “rexeitado unha solución para as persoas que chegan a unha situación de falla de recursos para facer fronte aos pagos”. Acusou ao PP de ter reparos para modificar as condicións legais das hipotecas mentres “non teñen ningún inconvinte en cambiar as regras de xogo do mercado laboral, da sanidade e da educación, pero si á hora de cambiar a situación das caixas”.

A responsable socialista reclamoulle hoxe á Xunta que lle pida ao Goberno de España un cambio lexislativo para que as persoas hipotecadas manteñan a súa vivenda cando queden sen patrimonio e ingresos para pagar debido ás circunstancias económicas. Esixiu así que esta medida non supoña o encarecemento do crédito e que garanta “un reparto máis equilibrado dos efectos da crise entre o debedor e o acredor”.

Caride sinalou que o Goberno galego debe instar ao Goberno de España “a necesidade de resolver os problemas dos afectados por execucións hipotecarias e desafiuzamento, promovendo iniciativas imperativas e universais”. Instou a evitar que a resolución dependa da “boa vontade” das entidades financeiras e só para un colectivo moi reducido de afectados, tal e como ven de propoñer o executivo de Rajoy.

A parlamentaria socialista reclama medidas “para garantir o dereito constitucional a unha vivenda digna, impulsando a construción de vivenda protexida, axudando á rehabilitación e establecendo un seguro de pagos protexidos para a compra de primeira vivenda residencia habitual”. Solicita así un aval de 24 meses da incapacidade de atender ás cotas hipotecarias por risco de desemprego.

Caride sinala que a crise económica está a provocar “un verdadeiro drama social” nas familias que, logo de perder o emprego ou de ver reducidos os seus ingresos, teñen que enfrontarse a unha execución hipotecaria que “pode deixar ás familias na rúa con importantes débedas”.

Reclama así unha “solución política” a esta “grave situación social” por canto o acceso a unha vivenda digna é un dereito recoñecido na Constitución. Sinala que o goberno debe ofrecer alternativas “diferentes ao desafiuzamento” para quen non poida facer fronte ao pago da hipoteca e que sempre “lle permitan manter a residencia na súa vivenda”.

A portavoz de Facenda e Orzamentos do Grupo Socialista, María José Caride, lamentou que o PP estea “empeñado en rexeitar a sanidade e educación universais e gratuítas ao tempo que apoia a amnistía fiscal a cada oportunidade que se lle presenta no camiño”. Así o dixo no debate dunha proposición non de Lei na Comisión de Economía do Parlamento para garantir os servizos públicos básicos.

O PP rexeitou esta proposta para blindar os servizos públicos en Galicia diante do recorte de 10.000 millóns anunciado por Rajoy. A iniciativa demandaba do Goberno central “que tome as medidas precisas para garantir que o sistema impositivo permita a cobertura dos servizos públicos básicos, nomeadamente a sanidade e a educación, que deberán ser universais e gratuítas”.

Caride advertiu que, coa votación de hoxe, o PP ten apoiado as desgravacións fiscais polas achegas a seguros médicos privados ou polos pagos a provedores privados de servizos sanitarios. Este grupo rexeitou a proposta socialista en contra das bonificacións fiscais, o que constata que o PP e o Goberno galego “utilizan a crise como escusa para privatizar e deteriorar a sanidade pública e o Estado do Benestar”.

Sinalou que os galegos e galegas “xa pagamos polos servizos públicos, e ademais facémolo proporcionalmente en función da nosa renda a través do IRPF”, mentres o PP pretende primar ao sector privado “quebrando a cohesión e a xustiza social”. Apuntou que, con esta votación, o PP tamén negouse hoxe a “demandar ao goberno de España a adopción das medidas axeitadas para que paguen os defraudadores en lugar de autorizar amnistías fiscais”.

O debate da iniciativa que tivo lugar esta mañá acadou o voto favorable de tódolos grupos do primeiro punto, que establecía instar á Xunta a “rexeitar a introdución de copago na atención sanitaria”. Sen embargo, o PP rexeitou os outros tres puntos incluídos na iniciativa.

Recorte

A responsable socialista solicitou hoxe o respaldo do PP para evitar que o recorte de 10.000 millóns de euros decidido por Rajoy e anunciado polo ministro De Guindos e sinalou que “dada a improvisación do Goberno sobre estes temas é preciso coñecer a opinión do goberno galego sobre a garantía da prestación dos servizos públicos básicos como a educación e a sanidade”.

Dixo que Feijóo “está poñendo aos pensionistas a pagar a sanidade pública, especialmente aos 730.000 que cobran as pensións mais baixas, de 691 euros ao mes. Cualificou de “escándalo” que o Goberno, por iniciativa de Feijóo, teña decidido cobrarlles por anticipado polos medicamentos para “facer as contas aos seis meses e devolverlles o que corresponda”, tal e como sinala a Lei.

Preguntou “por qué non discutimos cómo obter ingresos cun imposto ás grandes fortunas ou ás rendas do patrimonio, por qué non falamos de eliminar os privilexios fiscais á Igrexa ou en loitar contra a fraude fiscal” en lugar de “pensar en deteriorar a nosa sanidade”.

Texto da iniciativa aprobada hoxe

- “O Parlamento de Galicia insta ao Goberno galego a rexeitar a introdución do copago na atención sanitaria”.

O portavoz do Grupo Socialista, Abel Losada, dixo que a dimisión do Valedor do Pobo “fai caer polo seu propio peso os argumentos incoherentes, inconsistentes e incongruentes de Feijóo” na súa defensa. Sinalou que esta é “a única saída lóxica e digna a unha posición insostible” en defensa dos recortes en sanidade e educación e a favor da suspensión da Lei da Dependencia asumidas polo alto comisionado e respaldadas por Feijóo e o PP.

O responsable socialista sinalou que o presidente da Xunta “unha vez mais adoptou unha estratexia oportunista” aproveitando unha posición a favor dos recortes “que lle foi útil” pero “renegando da persoa á quen el mesmo propuxo para o cargo” e “buscando culpables externos, como é habitual nel” e responsabilizando a outros do seu nomeamento.

Losada considera que a dimisión constitúe un requisito imprescindible para frear a crise institucional aberta logo de situarse na defensa das políticas de recortes do PP en lugar de defender aos cidadáns e frear así o grave dano inflixido á institución. Apuntou que esta situación abre a necesidade de reflexionar sobre o papel do Valedor “nun momento de necesidades económicas e sociais como o que vivimos”.

Losada lamenta sen embargo que teña sido o propio Benigno López quen tomara a decisión de abandonar o cargo mentres o PP e o Goberno galego persistían en defender numantinamente a súa continuidade no cargo nunha “manobra impresentable”. Lembrou que o propio Feijóo asumiu na pasada sesión de control no Parlamento a defensa dunha posición inexplicable do Valedor do Pobo en contra dos dereitos cidadáns.

Sinala que “non lle quedou mais saída que dimitir logo de perder a confianza de mais da metade dos cidadáns”, representados polos socialistas e os nacionalistas, cando é un cargo que ten que ser elixido por maioría cualificada da Cámara.