Acuña preguntará no Parlamento polo desaloxo de membros de SOS Sanidade Pública cando recollían sinaturas

Acuña preguntará no Parlamento polo desaloxo de membros de SOS Sanidade Pública cando recollían sinaturas

Acuña preguntará no Parlamento polo desaloxo de membros de SOS Sanidade Pública cando recollían sinaturas

A parlamentaria socialista, Carmen Acuña, ven de presentar unha serie de iniciativas no Pazo do Hórreo, co fin de esclarecer a razón que motivou o desaloxo das persoas que estaban a recoller sinaturas en apoio dunha iniciativa lexislativa popular en defensa da Sanidade Pública.

O pasado sábado, día 11 de febreiro, os membros da Plataforma SOS Sanidade Pública se desprazaron a recoller firmas ante o Palacio da Ópera da cidade da Coruña,aproveitando a esperable afluencia das persoas que asistiran á presentación das comparsas do Antroido.

Unha vez alí, e para sorpresa dos membros da plataforma en defensa da sanidade publica e impulsores desa iniciativa lexislativa popular que busca impedir os recortes e a privatización da sanidade galega a Policía instounos a retirarse e suspender a recollida de sinaturas.

A Plataforma SOS Sanidade Pública iniciou unha recollida de firmas en todo o territorio galego para poder sacar adiante unha iniciativa lexislativa popular que propón evitar os recortes e a privatización da sanidade galega.

O obxectivo é reunir 15.000 firmas antes do 27 de maio e facer que a cidadanía galega tome conciencia da importancia que ten poder contar cun sistema sanitario publico gratuíto e universal e de calidade como tiñamos ata agora, polo que resulta difícil de comprender para o grupo parlamentario socialista ese desaloxo, especialmente “cando non provocaba ningún tipo de desorde nin alteración publica e tratándose ademais de algo tan sensible como é a saúde de todos”, afirma Acuña.

32641281A

Artigos relacionados

Deixar a resposta

Pechar